Anil Kumar Yadav Deshmukh: మా రక్తం ఉడికిపోతుంది.. ఎన్నాళ్లీ బానిసత్వం? జనసైనికుడు దేశ్‌ముఖ్ ఆవేదన

సీఎం.. సీఎం.. సీఎం.. పవన్ కళ్యాణ్ ఏ సభ పెట్టినా.. ప్రెస్ మీట్ పెట్టినా.. ఆయన అభిమానులు.. జనసైనికులు అరిచే అరుపులు ఇవే. అయితే ఇన్నాళ్లూ ముసుగులో గుద్దులాట సాగించిన జనసేన అధినేత పవన్ కళ్యాణ్.. ఓపెన్‌గా నాకు సీఎం అయ్యేటంత సీన్ లేదని బహిరంగంగానే చెప్పేశారు. కేవలం తాను పొత్తులు పెట్టుకుంటాను తప్పితే.. సీఎం అయ్యే ఛాన్స్ లేదని చెప్పకనే చెప్పేసి.. జనసైనికులు ఆశలపై నీళ్లు చల్లేశారు. 2024 ఎన్నికల్లో పవన్ కళ్యాణ్ సీఎం అయిపోతారు.. జనసేన అధికారంలోకి వచ్చేస్తారు అంటూ కలలు కన్న జనసైనికులకు అసలు వాస్తవాలను చెప్పి కళ్లు తెరిపించే ప్రయత్నం చేశారు పవన్ కళ్యాణ్. అయితే పవన్ కళ్యాణ్ తీసుకున్న నిర్ణయాన్ని చాలామంది పవన్ ఫ్యాన్స్ జీర్ణించుకోలేకపోతున్నారు. ఇప్పటికే చాలామంది జనసైనికులు.. ఎన్నాళ్లు వేరే పార్టీల జెండాలు మోస్తాం.. సొంతపార్టీ జెండా మోసేదెప్పుడు.. మన నాయకుడ్ని సీఎంగా చూసెదెప్పుడని ప్రశ్నిస్తున్నారు. మరికొందరైతే.. పవన్ కళ్యాణ్ ఏం నిర్ణయం తీసుకున్నా మాకు ఓకే.. కట్టెకాలే వరకూ జనసేన జెండాను దింపేదే లేదని అంటున్నారు. ఈ నేపథ్యంలో పవన్ కళ్యాణ్‌కి వీర విధేయుడు.. జనసైనికుడు.. ప్రముఖ యూట్యూబర్ అనీల్ కుమార్ యాదవ్ దేశ్ ముఖ్ తన యూట్యూబ్‌లో షేర్ చేసిన వీడియోపై హాట్ టాపిక్ నడుస్తోంది. గత కొన్నేళ్లుగా జనసేన పార్టీకి.. పవన్ కళ్యాణ్‌కి వీర విధేయుడుగా ఉన్న అనీల్ కుమార్ దేశ్ ముఖ్.. సందర్భం వచ్చిన ప్రతిసారి పవన్ కళ్యాణ్ ఉన్న భక్తిని చాటుకుంటూనే ఉన్నారు. తమ నాయకుడ్ని ఎవరైనా ఏమైనా అంటే.. యూట్యూబ్‌లో అంతెత్తున లేచే ఇతగాడిని చాలామంది జనసైనికులు ఫాలో అవుతూ ఉంటారు. అయితే అలాంటి పవన్ భక్తుడు ఇప్పుడు అధినేత తీసుకున్న నిర్ణయంపై అసహనం వ్యక్తం వీడియో వదిలారు. జనసేన పార్టీకి గుడ్ బై అంటూ వీడియో పెట్టి.. చివర్లో ట్విస్ట్ ఇచ్చాడు.