Bandla Ganesh: పవన్ కళ్యాణ్-చంద్రబాబు కూటమి గెలవాలని కోరుకోను.. జగన్ పాలన బాగుంది: బండ్ల గణేష్ స్వరం మారిందే
‘‘ఈశ్వరా.. పవనేశ్వరా.. పవరేశ్వరా.. వెంకన్నకు అన్నమయ్య.. శివుడికి భక్త కన్నప్ప.. శ్రీరాముడికి హనుమంతుడు ఎలాగో.. పవన్ కళ్యాణ్కి ఈ బండ్ల గణేష్ అలా.. ఆయనకి భక్తుడినని సగర్వంగా చెప్పుకుంటున్నా.. పవన్ కళ్యాణ్ అంటే ఒక వ్యసనం. ఆ వ్యసనం ఒకసారి అలవాటు చేసుకుంటే.. దీనమ్మా చనిపోయి బూడిద అయ్యే వరకూ వదల్లేం’’.. పవన్ కళ్యాణ్ గురించి ఇలాంటి వక్తిరస భక్తిస్పీచ్ ఇవ్వడం త్రివిక్రమ్కి కూడా సాధ్యం కాదేమో కానీ.. బండ్ల గణేష్ మైక్ అందుకున్నారంటే పవననామస్మరణతో మారు మోగిపోతుంది. యూట్యూబ్ షేక్ అయిపోతుంది. పవన్ కళ్యాణ్ గురించి అందరూ మాట్లాడేది ఓ లెక్క.. కానీ బండ్ల గణేష్ మాట్లాడితే మరో లెక్క అనేట్టుగా ఉంటుంది మన బండ్లన్న మాట్లాదే తీరు. అది భక్తి అనుకునే వాళ్లు కొందరు.. భజన అనుకునేవాళ్లు కొందరు.. ఎవరు ఏమనుకున్నా.. సందర్భం వచ్చిన ప్రతిసారి పవన్ కళ్యాణ్పై విపరీతమైన భక్తిని చాటుతూనే ఉంటారు బండ్ల గణేష్. అయితే ఈ మధ్యకాలంలో బండ్ల గణేష్ స్వరం మారుతూ వస్తోంది. ఒకప్పుడు పవన్ కళ్యాణ్ నా దేవుడు.. దేవర అని చెప్పిన బండ్ల గణేష్ ఇప్పుడు అమ్మనాన్నలకంటే ఎవరూ ఎక్కువ కాదంటూ భగవద్గీతపై ప్రమాణం చేసి మరీ నిజాలను నిర్భయంగా చెప్పారు.
Comments
Post a Comment