జపాన్‌ బాక్సాఫీసు వద్ద RRR పరుగు.. చెరిగిపోనున్న ‘బాహుబలి 2’ రికార్డు!

RRR Japan Box Office: దర్శకధీరుడు ఎస్.ఎస్.రాజమౌళి తన ‘బాహుబలి 2’ సినిమాతో జపాన్ ప్రేక్షకులను ఆశ్చర్యానికి గురిచేశారు. సిల్వర్ స్క్రీన్ మీద ఆయన చేసిన మాయతో జపాన్‌లోనూ బాక్సాఫీసు వద్ద కాసుల వర్షం కురిసింది. ఆరు నెలల పాటు జపాన్‌లో ప్రదర్శితమైన ‘బాహుబలి 2’ సినిమా 300 మిలియన్ జపనీస్ యెన్‌లను వసూలు చేసింది. ఒక ఇండియన్ సినిమాకు ఇది రెండో అత్యధిక బాక్సాపీసు కలెక్షన్. మొదటి స్థానంలో రజినీకాంత్ ‘ముత్తు’ సినిమా ఉంది. అయితే, త్వరలోనే వీటిని RRR బీట్ చేయబోతుందని విశ్లేషకులు అంటున్నారు.