Prabhas: నిజంగా నాకు ప్రభాస్ ఎవరో తెలీదు.. నిత్యా మీనన్ వ్యాఖ్యలు మళ్లీ వైరల్

‘బాహుబలి’ సినిమాతో పాన్ ఇండియా స్టార్ ఇమేజ్ తెచ్చుకున్న రెబల్ స్టార్ ప్రభాస్ (Prabhas) గురించి ఆ సినిమాకు ముందు ఇతర రాష్ట్రాల్లో చాలా మందికి తెలీదు. అయితే, సాధారణ ప్రేక్షకులకు తెలియకపోవడం పెద్ద విషయం కాదు. కానీ, తెలుగు సినిమా పరిశ్రమలో అడుగుపెట్టిన ఒక పరభాషా నటికి ప్రభాస్ గురించి తెలియకపోవడం ఆశ్చర్యకరం. నిత్యా మీనన్ (Nithya Menen) విషయంలో అదే జరిగింది. అదే అప్పట్లో ఆమెపై మీడియాలో వార్తలకు దారితీసింది. ఈ అంశంపై నిత్యా మీనన్ గతంలో స్పందించారు. ఆ వీడియో మళ్లీ ఇప్పుడు సోషల్ మీడియాలో వైరల్ అవుతోంది.