‘అవతార్ 2’ తెలుగు ట్రైలర్: ఈసారి నీటిలో యుద్ధం.. జేమ్స్ కామెరాన్ మరో అద్భుత సృష్టి

Avatar 2 Telugu Trailer: హాలీవుడ్ డైరెక్టర్ జేమ్స్ కామెరాన్ అద్భుత సృష్టి ‘అవతార్’. 2009లో విడుదలైన ఈ సినిమా ప్రపంచ సినిమా చరిత్రలో రికార్డుల సునామీ సృష్టించింది. ఇప్పుడు ఆ రికార్డులను తిరగరాయడానికి సరిగ్గా 13 ఏళ్ల తరవాత ‘అవతార్: ద వే ఆఫ్ వాటర్’ వస్తోంది. ‘అవతార్’కు సీక్వెల్‌గా వస్తోన్న ఈ సినిమా జేమ్స్ కామెరాన్ మరో అద్భుత సృష్టిలా ఉంది. ఈసారి యుద్ధం నీటిలో సాగనుంది. డిసెంబర్ 16న ప్రపంచ వ్యాప్తంగా విడుదలవుతోన్న ఈ సినిమా కోసం అభిమానులు ఎంతో ఆసక్తిగా ఎదురుచూస్తున్నారు.