Radhe Shyam : మౌత్ ఆర్టిస్ట్ స్వప్నిక మాటలు.. అవే వంద కోట్లన్న రాధాకృష్ణ
సినిమాలోని కథ, కథనాలు ఎలా ఉన్నా కూడా కొన్ని డైలాగ్స్, సీన్స్ మాత్రం అందరినీ కదిలిస్తుంటాయి. హస్తసాముద్రికం అంటే చేతిని, చేతిలోని రాతలను చూసి భవిష్యత్తును చెబుతారు. రాధే శ్యామ్ సినిమాలో మన హీరో ప్రభాస్ హస్తసాముద్రికంలో నిపుణుడు. అయితే అసలు చేతులే లేని వాళ్ల భవిష్యత్తుని ఎలా చెప్పడం సాధ్యమవుతుంది?.. అంటే చేతిలోని రాతలు కాదు.. మన చేతలే భవిష్యత్తుని నిర్ణయిస్తాయ్ అనే అంతర్లీనమైన సందేశాన్ని ఇచ్చాడు. ఈ సీన్, ఈ డైలాగ్ ఓ దివ్యాంగురాలిని తెగ ఆకట్టుకుంది. మౌత్ ఆర్టిస్ట్ గురించి నెట్టింట్లో వార్తలు బాగానే వస్తుంటాయి. నోటితో ఆర్ట్‌లు వేస్తుంటుంది. పవన్ కళ్యాణ్ ఫోటోలను అప్పట్లో నోటితో వేసి అందరినీ ఫిదా చేసేసింది. ఇప్పుడు రాధే శ్యామ్ సినిమాను స్వప్నిక చూసి ఎంతో సంతోష పడుతోంది. ఈ మేరకు తన సంతోషాన్ని పంచుకుంది. సినిమాలోని డైలాగ్ చెప్పేసి ఆకట్టుకుంది. ఇక ఇదే విషయాన్ని రాధాకృష్ణ ప్రెస్ మీట్‌లో చెప్పడం, ట్వీట్ వేయడం అందరికీ తెలిసిందే. స్వప్నిక వేసిన ఓ పెయింటింగ్‌ను కూడా రాధాకృష్ణ చూసి ఆశ్చర్యపోయాడు. రాధే శ్యామ్ సినిమాలోని సీన్‌ను ప్రతిబింబించేలా ఆ చిత్రం ఉండటంతో షాక్ అయ్యాడు. ఇలాంటి సీన్లు ప్రతీ సినిమాలో పెట్టాలని, మా లాంటి వాళ్లను ఎంతో ఇన్ స్పైర్ చేయాలంటూ రాధాకృష్ణను స్వప్నిక కోరింది. మీరు మాట్లాడుతున్న ఈ మాటలే నాకు వంద కోట్లు అంటూ రాధా కృష్ణ కుమార్ ఎమోషనల్ అయ్యాడు. ఆర్చరీ ఆడాలని అనుకున్న అమ్మాయి చేయిపోవడం, చేతులే లేనప్పుడు రాతలు చూసి ఎలా భవిష్యత్తు చెబుతారు.. నా రాతను నేనే రాసుకుంటాను అని అమ్మాయి చెప్పే సీన్‌లో నన్ను నేనే చూసుకున్నట్టు అనిపించింది.. నాకు ఏడుపు వచ్చింది అంటూ స్వప్నిక ఎమోషనల్ అయింది.
Comments
Post a Comment