project k : హాలీవుడ్‌ను బీట్ చేయబోతోంది.. నాగ్ అశ్విన్‌ను పొగిడిన ఆనంద్ మహీంద్రా
మహీంద్రా అండ్ మహీంద్రా గ్రూప్ ఛైర్మన్ నెట్టింట్లో ఎంత యాక్టివ్‌గా ఉంటారో అందరికీ తెలిసిందే. తన కార్లను, కంపెనీని ఎలా ప్రమోట్ చేసుకోవాలో ఆయనకు బాగా తెలుసు. సోషల్ మీడియాను ఆయన బాగా వాడేస్తుంటాడు. ఇక కోసం ఆనంద్ మహీంద్రాను సంప్రదించిన సంగతి తెలిసిందే. ఓ తెలివైన ఇంజనీర్, కార్లను ఉత్పత్తి చేయడంలో దిట్ట అయిన ఓ వ్యక్తి కావాలి, దానికి మీ సాయం కావాలంటూ ఆనంద్ మహీంద్రను ట్యాగ్ చేస్తూ నాగ్ అశ్విన్ గతంలో ఓ ట్వీట్ వేశాడు. అలా నాగ్ అశ్విన్, ఆనంద్ మహీంద్రాల ట్వీట్ల సంభాషణ చక్కగా జరిగింది. ఆనంద్ మహీంద్రా తన టీంలోని హెడ్‌ను కూడా పరిచయం చేశాడు. మొత్తానికి ప్రాజెక్ట్ కే సినిమాకు సంబంధించిన పనుల్లో ఆనంద్ మహీంద్రా టీం కూడా జాయిన్ అయినట్టు కనిపిస్తోంది. తాజాగా నాగ్ అశ్విన్ ఈ మేరకు ఓ ట్వీట్ వేశాడు. ఆనంద్ మహీంద్ర రీసెర్చ్ వ్యాలీని నాగ్ అశ్విన్ సందర్శించాడు. అక్కడి వాతావరణాన్ని చూసి దర్శకుడు ముగ్దుడయ్యాడు. దీంతో వెంటనే ఓ ట్వీట్ వేశాడు. క్యాంపస్ అద్భుతంగా ఉంది. ప్రకృతితో మమేకమైనట్టుంది. వేలు మహేంద్ర, అతని బృందంతో కలిసి ఈ కొత్త ప్రయాణాన్ని ప్రారంభించడం మాకు ఎంతో ఆనందంగా ఉంది.. ఆనంద్ మహీంద్రా సర్‌కు థ్యాంక్స్ అని నాగ్ అశ్విన్ ట్వీట్ వేశాడు. దీనికి ఆనంద్ మహీంద్రా స్పందించాడు. నిజం చెప్పాలంటే.. నువ్వే ఈ ప్రాజెక్ట్ గురించి చెప్పి, ఈ సైఫ్ మూవీ పట్ల ఎంతో ఆత్రుతను పెంచావ్ నాగ్ అశ్విన్.. నువ్ హాలీవుడ్‌ను బీట్ చేయబోతోన్నావ్ అని నాకు అర్థమవుతోందన్నట్టుగా ఆనంద్ మహీంద్రా ట్వీట్ వేశాడు.
Comments
Post a Comment