Phenomenal Woman : ‘ఫినామినల్ ఉమెన్’ వీడియోకు ఎ.ఆర్.రెహమాన్ ప్రశంస
భార‌తీయ సంగీత ప్ర‌పంచంలో ఆస్కార్ విన్న‌ర్ ఎ.ఆర్.రెహమాన్ గురించి ప్ర‌త్యేక‌మైన ప‌రిచ‌యం అక్క‌ర్లేదు. ఆయ‌న మ‌న సినిమాల‌తో పాటు పలు పలు ఆల్బ‌మ్స్‌కు త‌న‌దైన అద్భుత‌మైన సంగీతాన్ని అందించి అల‌రించిన సంగ‌తి విదిత‌మే. అలాంటి లెజెండ్రీ మ్యూజిక్ డైరెక్ట‌ర్ నుంచి ప్రశంస ద‌క్కితే అంత కంటే గొప్ప విషయం ఏముంటుంది. మ‌న తెలుగు అమ్మాయి. ప్ర‌ముఖ కూచిపూడి డ్యాన్స‌ర్ సంధ్యారాజు చేసిన ఓ ప్ర‌త్యేక‌మైన డాన్స్ వీడియోను రెహమాన్ అభినందించారు. తన సోషల్ మీడియా మాధ్య‌మం ద్వారా ఆయ‌న సంధ్యారాజును అభినందించ‌డం విశేషం. కూచిపూడి క‌ళాకారిణి మాత్ర‌మే కాదు.. కొన్నాళ్లు ముందు నాట్యం అనే సినిమాను రూపొందించారు. ఇది డాన్స్ బేస్డ్ మూవీ. ఉమెన్స్‌డే సంద‌ర్భంగా ప్ర‌ముఖ ర‌చ‌యిత, ఆస్కార్ అవార్డు గ్ర‌హీత మాయ ఏంజిలో రాసిన ఇంగ్లీష్ ప‌ద్యం ‘ఫినామినల్ ఉమెన్’కు మోడ్ర‌న్ కూచిపూడి క్లాసిక‌ల్ డ్యాన్స్ పెర్‌ఫామెన్స్ వీడియోను రూపొందించి సోషల్ మీడియాలో విడుద‌ల చేశారు. ఈ వీడియో ఇప్ప‌టికే మూడు ల‌క్ష‌లకుపైగా వ్యూస్ సాధించి సోషల్ మీడియాలో విశేష ఆద‌ర‌ణ సొంతం చేసుకుంది. ఈ వీడియోను ప్రశంసించడం గొప్ప విషయం. మ‌న తెలుగు అమ్మాయి, క్లాసిక‌ల్ డ్యాన్స‌ర్ అయిన సంధ్యా రాజు జాతీయ స్థాయిలో ప్ర‌సిద్ది చెందిన ఏఆర్ రెహమాన్ ప్రశంస‌లు అందుకోవ‌డం గ‌ర్వించ‌ద‌గిన క్ష‌ణం. సంధ్యా రాజు ముందు నాట్యం పేరుతో రూపొందిన షార్ట్ ఫిల్మ్‌లో నటించారు. ఆ షార్ట్ ఫిల్మ్‌ను డైరెక్ట్ చేసిన రేవంత్.. నాట్యం సినిమాను డైరెక్ట్ చేశారు. అంతే కాకుండా తెలుగు, కన్నడలో విజయవంతమైన చిత్రం యూ టర్న్‌ను మలయాళంలో దర్శకుడు వీకే ప్రకాష్ రీమేక్ చేశారు. అందులో సంధ్యా రాజు హీరోయిన్‌గా చేశారు.
Comments
Post a Comment