రాధే శ్యామ్ లవ్ సాంగ్ వైరల్.. ప్రేమ పక్షులు ప్రభాస్- పూజా హెగ్డే స్పెషల్ అట్రాక్షన్
'జిల్' ఫేమ్ రాధాకృష్ణ కుమార్ దర్శకత్వంలో హీరోగా రూపొందిన కొత్త సినిమా 'రాధే శ్యామ్'. దాదాపు రెండేళ్లకు పైగానే షూటింగ్ జరుపుకున్న ఈ సినిమా ఎట్టకేలకు మార్చి 11వ తేదీన గ్రాండ్‌గా విడుదలకు సిద్ధమైంది. రీసెంట్‌గా ఈ చిత్రానికి సంబంధించిన టాకీ పార్ట్ ఫినిష్ చేసి పోస్ట్ ప్రొడక్షన్ పనులు వేగంగా జరుపుతున్నారు. అదేవిధంగా ప్రమోషన్స్‌పై ప్రత్యేక శ్రద్ద పెడుతూ ప్రభాస్ అభిమానుల్లో ఆతృత పెంచేస్తున్నారు. ఈ క్రమంలోనే తాజాగా లవ్ సాంగ్ 'ఈ రాతలే' రిలీజ్ చేయడంతో క్షణాల్లో ఈ వీడియో వైరల్ అయింది. జస్టిన్ ప్రభాకరణ్ కంపోజ్ చేసిన ఈ పాటను యువన్ శంకర్ రాజా, హరిణి ఆలపించగా.. కృష్ణకాంత్ లిరిక్స్ రాశారు. విదేశాల్లోని అందమైన లొకేషన్స్‌లో షూట్ చేశారు. హీరో, హీరోయిన్లు ఒకరినొకరు చూసుకోకుండానే ప్రేమలో పడటంతో పాటు ప్రేమ పక్షులుగా ప్రభాస్, అట్రాక్టివ్ లుక్స్ ఈ పాటలో హైలైట్ అయ్యాయి. మొత్తంగా చూస్తే ఈ సాంగ్ యూత్ ఆడియన్స్‌కి, ప్రభాస్ అభిమానులకు విజువల్ ట్రీట్‌ అని చెప్పుకోవచ్చు. కృష్ణంరాజు స‌మ‌ర్ప‌ణ‌లో యువీ క్రియేష‌న్స్ బ్యాన‌ర్‌పై తెరకెక్కిన ఈ సినిమాను రొమాంటిక్ ఎంటర్‌టైనర్‌గా ప్రేక్షకుల ముందుకు తెస్తున్నారు. అందుకు తగ్గట్లుగానే అప్‌డేట్స్ వదులుతూ సినిమాపై మరింత హైప్ క్రియేట్ చేస్తున్నారు. ఇప్పటికే విడుదల చేసిన టీజర్, ట్రైలర్, పాటలకు అన్ని భాషల్లోనూ సూపర్ రెస్పాన్స్ వచ్చింది. వంశీ, ప్రమోద్‌, ప్రశీద నిర్మాతలుగా అత్యంత గ్రాండ్‌గా రూపొందిన ఈ పాన్ ఇండియా సినిమాలో సచిన్ ఖేడ్కర్, మురళీ శర్మ, భాగ్యశ్రీ, ప్రియదర్శి, కునాల్ రాయ్ కపూర్, ఫ్లోరా జాకబ్ ముఖ్యపాత్రల్లో కనిపించనున్నారు. ఈ సినిమాపై రెబల్ స్టార్ ఫ్యాన్స్ పెట్టుకున్న అంచనాలు మాటల్లో చెప్పలేం.
Comments
Post a Comment