బ్యాక్‌బోన్ ఆఫ్ భీమ్లా నాయక్ అదే! హరీష్ శంకర్ కామెంట్స్ వైరల్
నేడు (ఫిబ్రవరి 25) '' సినిమా విడుదలైంది. దీంతో రెండు తెలుగు రాష్ట్రాల్లో ఎక్కడ చూసినా భీమ్లా నాయక్ మేనియానే కనిపిస్తోంది. ప్రీమియర్స్ మొదలుకొని మార్నింగ్ షో, మ్యాట్నీ షోస్ జనంతో నిండిపోయాయి. నటన విశ్వరూపం చూసి హుషారెత్తిపోతున్నారు ఫ్యాన్స్. మరోవైపు రివ్యూలు సైతం పాజిటివ్ గానే రావడంతో 'భీమ్లా నాయక్' హవా కనిపిస్తోంది. ఈ నేపథ్యంలో తాజాగా ఈ సినిమాపై తన అభిప్రాయాన్ని తెలుపుతూ వరుస ట్వీట్స్ పెట్టారు డైరెక్టర్ . మలయాళ సూపర్ హిట్ మూవీ 'అయ్యప్పనుమ్ కోశియుమ్' తెలుగు రీమేక్‌గా సితార ఎంటర్‌టైన్‌మెంట్స్‌ భారీ రేంజ్‌లో ఈ సినిమాను రూపొందించింది. సాగర్ కె చంద్ర దర్శకత్వం వహించిన ఈ చిత్రంలో పవర్‌ఫుల్ పోలీస్ ఆఫీసర్‌గా కనిపించారు పవన్ కళ్యాణ్. డానియల్ శేఖర్‌గా రానా పోటీపడి నటించారు. త్రివిక్రమ్ మార్క్ డైలాగ్స్ కనిపించాయి. అయితే ఈ మూవీ తొలి షో చూసిన హరీష్ శంకర్.. పవన్ కళ్యాణ్, రానా, తమన్‌లపై ప్రశంసల వర్షం కురిపించారు. థియేటర్లలో పవన్ కళ్యాణ్ గర్జించారని, సాగర్ కె చంద్ర, త్రివిక్రమ్ చాలా గొప్ప సినిమా తీశారని హరీష్ శంకర్ అన్నారు. సినిమాకు తమన్ మ్యూజిక్ వెన్నుముక అని తెలుపుతూ చిత్ర నిర్మాత నాగవంశీ సహా చిత్రయూనిట్ మొత్తానికి బెస్ట్ విషెస్ చెప్పారు. బావా.. ఇది కేవలం బ్యాక్ గ్రౌండ్ స్కోరు మాత్రమే కాదు, భీమ్లా నాయక్ సినిమాకు బ్యాక్ బోన్ అంటూ తమన్‌ని ఉద్దేశిస్తూ కామెంట్స్ చేశారు హరీష్. చిత్రంలో ప్రతి సీన్ ఎంజాయ్ చేశానని, తమన్ బాణీలు పిచ్చెక్కించాయని తెలిపారు. రానా అయితే అదరగొట్టేశాడంటూ ఆయనపై ప్రశంసల వర్షం కురిపించారు హరీష్ శంకర్. ప్రస్తుతం వరుస సినిమాలతో బిజీగా ఉన్న పవన్ కళ్యాణ్.. హరీష్ శంకర్‌తో కూడా ఓ సినిమా చేస్తున్న సంగతి తెలిసిందే. ఈ సినిమాకు 'భవదీయుడు భగత్‌సింగ్' అనే పేరు పెట్టారు. మైత్రి మూవీ మేకర్స్ బ్యానర్‌పై భారీ రేంజ్‌లో ఈ సినిమా రూపొందుతోంది.
Comments
Post a Comment