Amitabh Bachchan : ప్రభాస్ అండ్ టీమ్‌కి అమితాబ్ అదిరిపోయే గిఫ్ట్... థాంక్స్ చెప్పిన ‘రాధే శ్యామ్’ యూనిట్
పాన్ ఇండియా స్టార్ ప్ర‌భాస్‌పై బాలీవుడ్ సూపర్ స్టార్.. షెహ‌న్ షా అమితాబ్ తన ప్రేమ‌ను చూపించారు. ఇంత‌కీ బిగ్ బి ప్ర‌భాస్‌పై తన ప్రేమ‌ను ఎలా వ్య‌క్తం చేశార‌నే వివ‌రాల్లోకి వెళితే.. ప్రభాస్ లేటెస్ట్ పాన్ ఇండియా మూవీ ‘రాధే శ్యామ్’. ఈ పాన్ ఇండియా సినిమా మార్చి 11న ప్ర‌పంచ వ్యాప్తంగా విడుద‌ల‌కు సిద్ధ‌మ‌వ‌తుంది. సినిమా పోస్ట్ ప్రొడ‌క్ష‌న్ కార్య‌క్ర‌మాలు తుది ద‌శ‌కు చేరుకుంటున్నాయి. ఈ సినిమాకు ఓ వాయిస్ ఓవ‌ర్ ట్రాక్ ఉంది. దాన్ని ఎవ‌రితో చెప్పించాల‌ని టీమ్ ఎంత‌గానో మ‌ల్ల‌గుల్లాలు ప‌డుతూ వ‌చ్చింది. చివ‌ర‌కు ఆ కోరికను బిగ్ బి తీర్చేశారు. చిత్రానికి అమితాబ్ తన వాయిస్ ఓవ‌ర్‌ను అందించారు. ఈ విష‌యాన్ని చిత్ర ద‌ర్శ‌కుడు రాధా కృష్ణ, హీరోయిన్ పూజా హెగ్డే త‌మ సోషల్ మీడియా అకౌంట్స్ ద్వారా తెలియ‌జేశారు. ‘‘ఆయ‌న తన నెరేష‌న్‌తో ఎపిక్ లవ్ స్టోరిని మ‌రింత ఎపిక్‌గా మార్చినందుకు ధ‌న్య‌వాదాలు’’ అంటూ ‘రాధే శ్యామ్’ టీమ్ బిగ్ బికి థాంక్స్ చెప్పింది. మ‌రి తెలుగు స‌హా త‌మిళ, మ‌ల‌యాళ, కన్నడ భాష‌ల్లో ఇదే నెరేష‌న్‌ను ఎవ‌రు ఇచ్చార‌నేది ఇంకా తెలియాల్సి ఉంది. ప్ర‌స్తుతం ప్రభాస్, అమితాబ్ క‌లిసి Project K సినిమా చేస్తున్న సంగ‌తి తెలిసిందే. ఇదే సంద‌ర్భంలో ప్రభాస్..అమితాబ్‌ను రిక్వెస్ట్ చేసి ఉంటారు. ఆయ‌న ఒప్పుకుని ఉంటారు. ప్రభాస్, పూజా హెగ్డే జంటగా నటించిన పీరియాడిక్ లవ్ స్టోరి ‘రాధే శ్యామ్’. భారీ బ‌డ్జెట్‌తో పాన్ ఇండియా చిత్రంగా రిలీజ్‌కు స‌న్న‌ద్ధ‌మ‌వుతోంది. గోపీకృష్ణా మూవీస్ రెబ‌ల్ స్టార్ కృష్ణంరాజు స‌మర్ఫ‌ణ‌లో యువీ క్రియేష‌న్స్ బ్యాన‌ర్‌పై వంశీ, ప్ర‌మోద్‌, ప్ర‌శీద ఈ చిత్రాన్ని నిర్మిస్తున్నారు. రాధా కృష్ణ కుమార్ ద‌ర్శ‌కుడు. భారీ అంచ‌నాల‌తో సినిమా మార్చి 11న విడుద‌ల‌వుతుంది.
Comments
Post a Comment