Devika : సాయం చేయాలంటూ రాజమౌళి ట్వీట్.. ట్రోల్ చేస్తున్న నెటిజన్స్!

ప్రముఖ దర్శకుడు ట్విట్టర్ వేదికగా సాయం చేయాలని రిక్వెస్ట్ చేశారు. ఇంత‌కీ రాజ‌మౌళి ఎవ‌రి కోసం..ఎందు కోసం..ఎలాంటి సాయం కావాల‌ని రిక్వెస్ట్ చేశార‌నే వివ‌రాల్లోకి వెళితే, ‘‘ఇంతకు ముందు దేవికగారితో బాహుబలి సినిమాకు పని చేశాను. ఆమె ప‌లు చిత్రాల‌కు కో ఆర్టినేట‌ర్‌గావ‌ర్క్ చేశారు. సినిమాపై ఆమె ప్యాష‌న్ గురించి చెప్ప‌డం సుల‌భం కాదు. కానీ దుర‌దృష్ట‌వ‌శాత్తు ఆమె ఇప్పుడు బ్ల‌డ్ క్యాన్స‌ర్‌తో పోరాడుతుంది. ఆమెకు స‌పోర్ట్ చేస్తున్న కేటో ఫండ్ రైజింగ్‌కు త‌మ వంతు సాయం చేయండి’’ అని ట్వీట్ చేశారు రాజమౌళి. అయితే రాజమౌళి అలా ట్వీట్ చేయడంపై పలువురు నెటిజన్స్ మండి పడుతున్నారు. ఆయ‌న ట్వీట్‌ను ట్రోల్ చేయ‌డం ప్రారంభించారు. సినిమాకు రూ.100కోట్లు తీసుకునే మీకు రూ.3 కోట్లు ఓ లెక్క‌నా.. మీరెందుకు సాయం చేయ‌డం లేదంటూ ఒక‌రు ప్ర‌శ్నిస్తే.. మ‌రొక‌రు అంత పెద్ద డైరెక్ట‌ర్‌గా ఉన్న మీరు ఆమెకు సాయం చేయడానికి దాత‌ల కోసం ఎదురుచూడాల్సిన ప‌ని లేదు. మీ ఇన్ఫూయెన్స్ ఉప‌యోగించి ఆమెకు స‌పోర్ట్ చేయండ‌ని ఒక‌ర‌న్నారు. నీతో క‌లిసి ప‌ని చేసిన వారికైనా సాయం చెయ్‌.. అంటూ ఇంకొక‌రు అన్నారు. ఇలా ఏదో చేయ‌డానికి రాజ‌మౌళి చేసిన ట్వీట్ వ‌ల్ల ట్రోల్ అవుతున్నారు. ఇక సినిమాల విష‌యానికి వ‌స్తే.. రాజ‌మౌళి ప్ర‌స్తుతం త‌న లేటెస్ట్ మూవీ RRR విడుద‌ల కోసం ఎదురుచూస్తున్నారు. సంక్రాంతికి విడుద‌ల కావాల్సిన ఈ చిత్రం క‌రోనా థర్డ్ వేవ్ కార‌ణంగా మార్చి 18 లేదా ఏప్రిల్ 28కి విడుద‌ల‌వ కానుంది. యంగ్ టైగ‌ర్ ఎన్టీఆర్‌, మెగా ప‌వ‌ర్ స్టార్ రామ్ చ‌ర‌ణ్‌తోపాటు బాలీవుడ్ స్టార్స్ ఆలియా భ‌ట్‌, అజయ్ దేవ‌గ‌ణ్.. హాలీవుడ్ స్టార్స్ ఒలివియా మోరిస్‌, రే స్టీవెన్ స‌న్, అలిస‌న్ డూడి త‌దిత‌రులు ఈ చిత్రంలో న‌టించారు. 1920 బ్యాక్‌డ్రాప్‌లో సాగే ఫిక్ష‌నల్ పీరియ‌డిక్ మూవీ ఇది. ఇందులో కొమురం భీమ్‌గా ఎన్టీఆర్‌, అల్లూరి సీతా రామ‌రాజుగా రామ్ చ‌ర‌ణ్ న‌టించారు. దీని త‌ర్వాత ఆయ‌న సూప‌ర్ స్టార్ మ‌హేష్‌తో సినిమా చేయ‌బోతున్న సంగ‌తి అంద‌రికీ తెలిసిందే. డివివి ఎంట‌ర్‌టైన్‌మెంట్స్ బ్యాన‌ర్‌పై భారీ బ‌డ్జెట్‌తో డివివి దానయ్య సినిమాను నిర్మిస్తున్నారు.