నాగ చైతన్య డిఫరెంట్ కథాంశం.. వర్కవుట్ అవుతుందా?
తండ్రి అక్కినేని నాగార్జున బాట‌లోనే త‌న‌యుడు నాగ చైతన్య ప్రయాణిస్తున్నారు. ఎప్పుడు యంగ్ టాలెంట్‌ను, కొత్త త‌ర‌హా క‌థ‌ల‌ను ఎంక‌రేజ్ చేయ‌డంలో నాగార్జున ముందుంటార‌నే సంగ‌తి చాలా మందికి తెలిసిందే. ఇప్పుడు అదే రూట్‌లో నాగ చైతన్య ఇప్పుడు కొత్త త‌ర‌హా కాన్సెప్టుల‌కు ఓకే చెబుతున్నారు. అస‌లు విష‌యం ఏంటంటే, కొన్ని రోజుల ముందు మారుతున్న ట్రెండ్‌కు అనుగుణంగా చైతన్య వెబ్ సిరీస్‌లో న‌టించడానికి ఓకే చెప్పిన సంగ‌తి తెలిసిందే. చైతుతో మ‌నం, థాంక్యూ చిత్రాలను డైరెక్ట్ చేసిన విక్ర‌మ్ కుమార్ ఈ వెబ్ సిరీస్‌ను రూపొందించ‌నున్నారు. త్వ‌ర‌లోనే నాగ చైతన్య, విక్ర‌మ్ కుమార్ వెబ్ సిరీస్ ట్రాక్ ఎక్క‌నుంది. ఈ వెబ్ సిరీస్‌లో రొటీన్‌కు భిన్నంగా చైతన్య ఎక్స్‌పెరిమెంట్ చేస్తున్నార‌ట. ఆయ‌న పాత్ర నెగ‌టివ్ ట‌చ్‌లో సాగుతుంది. అలాగే టైమ్ ట్రావెల్‌లో సాగే సినిమా అని కూడా వార్త‌లు వినిపిస్తాయి. అంతే కాకుండా ఈ సినిమాలో నాగ చైతన్య జ‌ర్న‌లిస్ట్ పాత్ర‌లో క‌నిపించ‌బోతున్నార‌ని స‌మాచారం. చైతన్య డిఫరెంట్ మేకోవ‌ర్‌తో క‌నిపించ‌నున్నారు. మూడు సీజ‌న్స్‌లో సిరీస్‌ను రూపొందించ‌నున్నారు. ఒక్కొక్క సీజ‌న్‌లో 8 నుంచి 10 ఎపిసోడ్స్ ఉంటాయ‌ట. ప్ర‌ముఖ ఓటీటీ సంస్థ ఈ వెబ్ సిరీస్‌ను రూపొందించ‌నుంది. నెగ‌టివ్ ట‌చ్ ఉన్న జ‌ర్న‌లిస్ట్ పాత్ర.. అందులోనూ టైమ్ ట్రావెల్ కథాంశం ఇలాంటి డిఫరెంట్ కాన్సెప్ట్‌లో తన పాత్ర‌ను చైతన్య ఎంత ఛాలెంజింగ్‌గా తీసుకుని చేస్తారో చూడాలి మ‌రి. ఈ ఏడాది సంక్రాంతికి విడుద‌లైన బంగార్రాజు చిత్రంతో చైతన్య బ్లాక్ బస్టర్ హిట్ కొట్టారు. ఇందులో నాగార్జున కూడా న‌టించారు. ఇది కాకుండా చైతన్య హీరోగా న‌టించిన థాంక్యూ సినిమా చివరి ద‌శ చిత్రీక‌ర‌ణ‌లో ఉంది. అలాగే, ఆమిర్ ఖాన్ హీరోగా చేసిన లాల్ సింగ్ చ‌ద్దా చిత్రంలోనూ నాగ చైతన్య కీల‌క పాత్ర‌లో న‌టించారు.
Comments
Post a Comment