బాలకృష్ణ రెండో కూతురు వల్లే ఇదంతా! అసలు విషయం బయటపెట్టిన డైరెక్టర్
నందమూరి నటసింహం విశ్వరూపాన్ని వెండితెరపై ఎన్నో సార్లు చూశాం. ఆయన నటనలోని వేరియేషన్స్ టాలీవుడ్‌లో బాలయ్య స్థానాన్ని అందలమెక్కించాయి. నందమూరి వారసుడిగా, సీనియర్ స్టార్ హీరోగా అశేష అభిమాన వర్గాన్ని కూడగట్టుకున్న బాలయ్య బాబు.. ఓటీటీ వేదికపై అంతకుమించి అనేలా ఫేమ్ కొట్టేశారు. '' షోకి హోస్ట్ బాధ్యతలు తీసుకొని విమర్శకుల ప్రశంసలందుకున్నారు. బాలయ్య హోస్ట్‌గా చేయడమేంటి అని వెక్కిరించిన వారి చేతనే చప్పట్లు కొట్టించారు. ఆహా ఓటీటీ వేదికపై ప్రసారమవుతున్న 'అన్‌స్టాపబుల్' షో ప్రేక్షకుల నుంచి భారీ రెస్పాన్స్ తెచ్చుకుంటోంది. టాలీవుడ్ సెలబ్రిటీలను బాలయ్య ఆటపట్టిస్తున్న తీరు, ఆయన మ్యానరిజం, స్టైల్ అన్నీ కూడా ఈ షోకి మేజర్ అట్రాక్షన్ అయ్యాయి. తెలుగు చిత్రసీమలోని సీనియర్ హీరోగా ఎన్నో కీలక విషయాలపై సెలబ్రిటీలతో చర్చిస్తూ ఆయా సమాచారం మొత్తాన్ని ప్రేక్షకుల ముందుంచుతున్నారు బాలకృష్ణ. అయితే ఈ షో స్టార్ట్ కావడం, సక్సెస్‌ఫుల్‌గా రన్ కావడం వెనుక ఎవరెవరి హస్తం ఉందనే దానిపై తాజాగా 'అన్‌స్టాపబుల్' రైటర్ ఓపెన్ అయ్యారు. ఎక్స్‌పెక్టేషన్స్ అమ్మా మొగుడు బాలకృష్ణుడు అంటూ బాలయ్య బాబుపై ప్రశంసలు గుప్పించిన BVS రవి.. ఈ షో కోసం తెర వెనుక ఎవరెవరు వర్క్ చేశారనేదానిపై వివరణ ఇచ్చారు. హోస్ట్‌గా కొత్తదనాన్ని అలవర్చుకోవడంలో బాలకృష్ణ ఫుల్ సక్సెస్ అయ్యారని చెప్పారు. 'ఆహా' వాళ్ళు ఈ షోని నెంబర్ వన్ షో చేయాలని కంకణం కట్టుకు దిగారని చెప్పారు. అలా అందరం ఒక్కతాటి మీదకొచ్చి ఈ షో కోసం పని చేశామని అన్నారు. ఇకపోతే ఆహా టీమ్‌తో పాటు బాలకృష్ణ గారి రెండో అమ్మాయి కూడా కలిసి పని చేసిందంటూ కొన్ని సీక్రెట్స్ బయటపెట్టారు BVS రవి. బాలకృష్ణ లుక్ విషయంలో తేజస్విని చాలా రీసెర్చ్ చేసిందని తెలిపారు. బాలయ్య లుక్, క్యాస్టూమ్స్ విషయంలో ఆ క్రెడిట్ తేజస్వినికే వెళుతుందని చెప్పారు.
Comments
Post a Comment