బంగార్రాజు 11 రోజుల వసూళ్లు.. తీరా బ్రేక్ ఈవెన్ దగ్గరలో తడబాటు!

సంక్రాంతి బరిలో దిగిన బంగార్రాజు ఇన్ని రోజులు సక్సెస్‌ఫుల్ రన్ కొనసాగించి తీరా బ్రేక్ ఈవెన్ దగ్గరలో తడబాటు గురవుతున్నాడా? అంటే తాజా రిపోర్ట్స్ చూస్తుంటే అలాగే అనిపిస్తోంది. రెండో వారంలో అడుగుపెట్టిన బంగార్రాజు కలెక్షన్స్‌లో 11వ రోజు ఊహించని డ్రాప్ కనిపించింది. విడుదలైన తొలి షోతోనే పాజిటివ్ టాక్ తెచ్చుకున్న ఈ సినిమా 11వ రోజుకు గాను రెండు తెలుగు రాష్ట్రాల్లో కలిపి కేవలం 36 లక్షల వసూళ్లతో సరిపెట్టుకుంది. రెండు తెలుగు రాష్ట్రాల్లో బంగార్రాజు డే వైజ్ కలెక్షన్స్ చూస్తే.. డే 1: 9.06 కోట్లు డే 2: 7.79 కోట్లు డే 3: 6.72 కోట్లు డే 4: 3.55 కోట్లు డే 5: 1.94 కోట్లు డే 6: 91 లక్షలు డే 7: 51 లక్షలు డే 8: 46 లక్షలు డే 9: 64 లక్షలు డే 10: 81 లక్షలు డే 11: 36 లక్షలు మొత్తంగా చూస్తే ఈ 11 రోజుల్లో కలిపి 32.75 కోట్ల నెట్, 53 కోట్ల మేర గ్రాస్ వసూలైంది. 11వ రోజు ఏరియాల వారిగా రిపోర్ట్ చూస్తే.. నైజాం: 5 లక్షలు సీడెడ్‌: 8 లక్షలు ఉత్తరాంధ్ర: 8 లక్షలు ఈస్ట్ గోదావరి: 5 లక్షలు వెస్ట్ గోదావరి: 3 లక్షలు గుంటూరు: 3 లక్షలు కృష్ణా: 2 లక్షలు నెల్లూరు: 2 లక్షలు మొత్తంగా చూస్తే అన్ని ఏరియాల్లో కలిపి బంగార్రాజుకు 36 లక్షల నెట్, 50 లక్షల గ్రాస్ వసూళ్లు వచ్చాయి. ఓవర్సీస్, రెస్ట్ ఆఫ్ ఇండియా కలిపి ఈ 11 రోజుల్లో మరో మూడు కోట్లు వసూలయ్యాయి. రిలీజ్‌కి ముందు 38 కోట్ల ప్రీ రిలీజ్ బిజినెస్ చేసిన బంగార్రాజు సినిమా 39 కోట్ల రూపాయల బ్రేక్ ఈవెన్ టార్గెట్‌తో బరిలోకి దిగింది. అయితే ఇప్పటివరకు ప్రపంచవ్యాప్తంగా చూస్తే 35.87 కోట్లు వసూలయ్యాయి. అంటే మరో 3.13 కోట్లు రాబడితే ఈ సినిమా క్లీన్ హిట్ అయినట్లే అని ట్రేడ్ వర్గాల రిపోర్ట్స్ చెబుతున్నాయి.