వ్యాక్సిన్ వేయించుకున్నా కోవిడ్ బారిన పడ్డాను : విశ్వక్ సేన్
టాలీవుడ్ యంగ్ హీరో విశ్వక్ సేన్కు కోవిడ్ 19 సోకింది. ఈ విషయాన్ని ఆయనే స్వయంగా తెలియజేశారు. దేశంలో మళ్లీ కరోనా కేసులు పెరుగుతున్నాయి. కొన్ని రోజులుగా బాలీవుడ్, టాలీవుడ్, కోలీవుడ్ సహా పలు సినీ పరిశ్రమలోని సెలబ్రిటీలు కోవిడ్ బారిన పడుతున్నారు. ‘‘ఇటీవలే నాకు కరోనా పాజిటివ్ అని తెలిసింది. నాకు నేనుగా ఐసోలేట్ అయ్యాను. డాక్టర్స్ పర్యవేక్షణలో ఉన్నాం. వ్యాకిన్ వేయించుకున్నప్పటికీ కరోనా వైరస్ చాలా వేగంగా వ్యాప్తి చెందుతుంది. మాస్కులు వేసుకుని తగు జాగ్రత్తలు తీసుకోండి. మీ ప్రేమాభిమానాలకు ధన్యవాదాలు’’ అన్నారు. ఇక సినిమాల విషయానికి వస్తే ‘పాగల్’ సినిమాతో ప్రేక్షకుల ముందుకు వచ్చిన విశ్వక్ సేన్ ఇప్పుడు ‘ఓరి దేవుడా’ సినిమాతో ప్రేక్షకులను మెప్పించడానికి సిద్ధమయ్యారు. అలాగే ‘అశోకవనంలో అర్జున కళ్యాణం’ సినిమాతో పాటు ‘గామి’ అనే సినిమాలలోనూ విశ్వక్ సేన్ నటిస్తున్నారు.
Comments
Post a Comment