ట్రెయిన్ టికెట్స్‌తో సినిమా టికెట్స్‌ని పోల్చిన హీరో నిఖిల్ .. థియేటర్స్ మూతపడటంపై ఆవేదన!
కోవిడ్ సెకండ్ వేవ్ త‌ర్వాత సినిమా థియేట‌ర్స్‌కు జ‌నాలు వ‌స్తారో రారో అని సినీ ఇండ‌స్ట్రీ టెన్ష‌న్ ప‌డింది. అయితే మంచి సినిమాలు రావడంతో థియేట‌ర్స్‌కు ప్రేక్ష‌కులు వ‌చ్చి సినిమాల‌ను ఆద‌రించారు. దీంతో అంద‌రిలో ఓ ధైర్యం వ‌చ్చింది. కానీ.. అదే స‌మ‌యంలో ఆంధ్రప్రదేశ్ ప్ర‌భుత్వం సినిమా టికెట్ రేట్స్‌ను త‌గ్గిస్తూ జీవోను జారీ చేసింది. సినిమా టికెట్స్ ధ‌ర మ‌రి త‌గ్గిపోవ‌డంతో సినిమా థియేటర్స్‌ను న‌డ‌ప‌లేక ఏపీలో చాలా చోట్ల థియేటర్స్ య‌జ‌మానులు మూసివేశారు. మరో వైపు రాష్ట్రంలో టికెట్స్ రేట్స్‌ను పెంచుకునేలా ప్ర‌భుత్వం జీవోను జారీ చేసింది. దీనిపై సినీ ప‌రిశ్ర‌మ సంతోషాన్ని వ్య‌క్తం చేసింది. ఈ రెండు ప‌రిణామాల‌పై సినీ ఇండ‌స్ట్రీకి చెందిన పలువురు ప్ర‌ముఖులు స్పందిస్తున్నారు. సినిమా టికెట్స్ ధ‌ర‌ను పెంచాల‌ని ఆంధ్రప్రదేశ్ ప్ర‌భుత్వాన్ని కోరుతున్నారు. అలాగే తెలంగాణ ప్రభుత్వానికి ధ‌న్య‌వాదాలు తెలియ‌జేస్తున్నారు. ఈ క్ర‌మంలో కూడా ట్విట్ట‌ర్ వేదిగా స్పందించారు. ‘‘ధియేటర్స్ నాకు గుళ్లతో సమానం. ఎప్పుడూ ప్ర‌జ‌ల‌కు ఆనందాన్ని పంచుతుంటాయి. అలాంటి థియేటర్స్ మూత‌ప‌డ‌టం చూస్తుంటే గుండె ప‌గిలిపోతుంది. తెలుగు సినీ ప‌రిశ్ర‌మ‌కు తెలంగాణ ప్ర‌భుత్వం అందిస్తున్న స‌పోర్ట్ చూస్తుంటే చాలా ఆనందంగా ఉంది. అదే విధంగా థియేటర్స్ మ‌ళ్లీ క‌ళ క‌ళ‌లాడేలా ఏపీ ప్ర‌భుత్వం కూడా చ‌ర్య‌లు తీసుకుంటుంద‌ని భావిస్తున్నాను. నాకు తెలిసి ప్ర‌తి సింగిల్ స్క్రీన్ థియేట‌ర్‌లో రూ.20 టికెట్ కూడా ఉంది. అన్నీ వ‌ర్గాల ప్రేక్ష‌కుల‌కు అందుబాటులో ధ‌ర‌ల్లోనే థియేటర్స్ ఉన్నాయి. మ‌నం ప్ర‌యాణించే ట్రెయిన్‌లో వివిధ త‌ర‌గ‌తుల‌కు చెందిన కంపార్ట్‌మెంట్స్ ఉంటాయి క‌దా.. అలాగే థియేట‌ర్‌లోని బాల్క‌నీ, ప్రీమియ‌మ్ సెక్ష‌న్ సీట్స్‌కు కాస్త టికెట్ ధ‌ర‌ను పెంచాల‌ని కోరుకుంటున్నాను’’ అన్నారు. ఇక సినిమాల విష‌యానికి వ‌స్తే.. నిఖిల్ హీరోగా న‌టించిన 18 పేజీస్ చిత్రం విడుద‌ల‌కు సిద్ధంగా ఉంది. మరో వైపు తన కెరీర్‌లో బెస్ట్ హిట్ మూవీగా నిలిచిన కార్తికేయ చిత్రానికి సీక్వెల్‌గా రూపొందుతోన్న కార్తికేయ 2 చిత్రంలో నిఖిల్ న‌టిస్తున్నారు. ఈ చిత్రానికి చందు మొండేటి ద‌ర్శ‌క‌త్వం వ‌హిస్తున్నారు. 2019లో విడుదలైన అర్జున్ సురవరం చిత్రంతో మంచి విజయాన్ని సొంతం చేసుకున్న నిఖిల్.. తదుపరి చిత్రాన్ని ట్రాక్ ఎక్కించడానికి కరోనా ప్రభావం రావడంతో ఆలస్యమైంది. ఇప్పుడు పరిస్థితులు కాస్త బావుండటంతో నిఖిల్ సినిమా షూటింగ్‌ను షురూ చేశారు.
Comments
Post a Comment