ఇంద్ర భ‌వ‌నంలాంటి మోహ‌న్‌బాబు కొత్త ఇల్లు.. చూస్తే వావ్ అనాల్సిందే!
టాలీవుడ్ విలక్ష‌ణ న‌టుడు మంచు మోహ‌న్‌బాబు. హీరోగా, విల‌న్‌గా, క్యారెక్ట‌ర్ ఆర్టిస్ట్‌గా, నిర్మాత‌గా ఆయ‌న త‌న‌దైన గుర్తింపును ద‌క్కించుకున్నారు. ఇప్పుడు ఎక్కువ‌గా సినిమాలు చేయ‌డం లేదు. చాలా సెల‌క్టివ్‌గానే ఉంటున్నారు. హైద‌రాబాద్‌లోని జూబ్లీ హిల్స్‌లో ఉంటున్న ఆయ‌న ఆ మ‌ధ్య శంషాబాద్‌లో స‌రికొత్త ఇల్లును క‌ట్టుకున్నారు. ఏదో ఆషామాషీగా కాదండోయ్ ఇంద్ర భ‌వ‌నంలా పెద్ద భ‌వంతిని నిర్మించుకున్నారు. స్మిమ్మింగ్ పూల్ వంటి సౌకర్యం కూడా ఇందులో ఉంది. సిటీకి దూరంగా ప్ర‌శాంత వాతావ‌ర‌ణంలో ఉన్న ఈ ఇల్లు గురించి విశేషాల‌ను ఆయ‌న కుమార్తె ల‌క్ష్మీ మంచు తన యూ ట్యూబ్ ఛానెల్‌లో ‘మా నాన్న హోం టూర్ ’ అనే ప్రోగ్రామ్‌లో వివ‌రించారు. మోహ‌న్‌బాబు ఇష్ట‌ప‌డి క‌ట్టుకున్న 6వ ఇల్లు ఇది. చెన్నైలో రెండు ఇళ్లు, తిరుప‌తిలో రెండు ఇళ్లు, హైద‌రాబాద్‌లో రెండు ఇళ్లు ఆయ‌న క‌ట్టుకున్నారు. చుట్టు ప‌క్క‌ల చెట్లు, మొక్క‌లు మధ్యలో విశాల‌మైన భ‌వంతి చూడ‌టానికి ఎంతో అద్భుతంగా ఉంది. ఇంట్లోని ప‌లు విశేషాల‌ను ఆమె వివ‌రించారు. ఇంట్లో మొత్తంగా లోయ‌ర్ గ్రౌండ్, గ్రౌండ్, ఫ‌స్ట్‌.. సెకండ్ ఫ్లోర్స్ .. నాలుగు ఫ్లోర్స్ ఉన్నాయి. అందులో మోహ‌న్‌బాబు కోసం ప్ర‌త్యేకంగా ముద్ర‌గ‌డ ప‌ద్మ‌నాభం పంపిన కొబ్ట‌రికాయ‌ల‌ను చూపించారు. అలాగే వంటిల్లును చూపించారు. విష్ణు మంచు వంట చేసే ప్ర‌దేశాన్ని చూపించారు. మోహ‌న్‌బాబు బార్ రూమ్ చూపించారు. అది లాక్ చేయ‌బ‌డి ఉంది. డైనింగ్ హాల్‌, డ్రై కిచెన్, వెట్ కిచెన్, పిల్ల‌ల కోసం ఉన్న టాయ్స్ రూమ్, రిహార్స‌ల్ కోసం ఓ ఫ్లోర్ ఉంది. అక్క‌డే స్టోరి డిస్క‌ష‌న్స్ అన్నీ జ‌రుగుతాయ‌ని ల‌క్ష్మీ మంచు తెలిపారు. హోం థియేట‌ర్‌, గెస్ట్ రూమ్స్‌, స్టీమ్ రూమ్, సోనా రూమ్ చూపించారు. అలాగే కెరీర్ ఫ్రారంభం నుంచి ఇప్ప‌టి వర‌కు మోహ‌న్ బాబు ప‌లు సంద‌ర్భాల్లో తీయించుకున్న ఫొటోల‌ను కూడా ల‌క్ష్మీ మంచు ఈ వీడియోలో చూపించారు. ఇక సినిమాల విష‌యానికి వ‌స్తే ప్ర‌స్తుతం మోహ‌న్ బాబు హీరోగా స‌న్నాఫ్ ఇండియా అనే సినిమా రూపొందుతోంది. విష్ణు మంచు హీరోగా ఢీ అంటే ఢీ సినిమాను ట్రాక్ ఎక్కించ‌డానికి ప్ర‌య‌త్నాలు చేస్తున్నారు. మంచు మ‌నోజ్ క‌రోనా పాజిటివ్ కార‌ణంగా తిరుప‌తిలోని ఇంటికే ప‌రిమిత‌మ‌య్యారు. ఇక ల‌క్ష్మీ మంచు మ‌ల‌యాళంలో మోహ‌న్‌లాల్ సినిమాలో న‌టించారు.
Comments
Post a Comment