ఆ వంద కోట్లు ఎక్కడున్నాయి? తాజా ఇష్యూపై రామ్ చరణ్ ఫన్నీ రియాక్షన్
సినీ ఇండస్ట్రీలో హీరోహీరోయిన్ల రెమ్మ్యూనరేషన్ మ్యాటర్స్ ఎప్పుడూ హాట్ టాపికే. హీరోగాని, హీరోయిన్ గాని ఓ సినిమాతో భారీ హిట్ రాబట్టారంటే చాలు వారి వారి రెమ్మ్యూనరేషన్ మ్యాటర్స్ వెలుగులోకి వస్తుంటాయి. కొందరు డైరెక్టుగా పారితోషికం పెంచేస్తే.. ఇంకొందరి విషయంలో మాత్రం ఓ రేంజ్ రూమర్స్ పుట్టుకొస్తుంటాయి. గత కొన్ని రోజులుగా మెగా పవర్ స్టార్ విషయంలో అదే జరుగుతోంది. రామ్ చరణ్ రెమ్మ్యూనరేషన్ మ్యాటర్ సినీ వర్గాల్లో హాట్ టాపిక్ అవుతోంది. ఈ నేపథ్యంలో తాజాగా ఈ ఇష్యూపై ఫన్నీ రియాక్షన్ ఇచ్చారు చెర్రీ. విడుదలకు ముందే రామ్ చరణ్ రేంజ్ పెరిగిందని.. ఆయన తన తదుపరి సినిమాకు వంద కోట్ల పారితోషికం తీసుకుంటున్నాడంటూ వార్తలు షికారు చేస్తున్నాయి. దీంతో ఇదే విషయమై చెర్రీని ఓ మీడియా వారు ప్రశ్నించగా ఆయన ఫన్నీగా రియాక్ట్ అయ్యారట. అసలు వంద కోట్లు ఎక్కడున్నాయి? ఉన్నా కూడా నాకెవరిస్తారు? అని రిటర్న్ క్వశ్చన్ వేస్తూ తన రెమ్మ్యూనరేషన్ విషయమై వస్తున్న వార్తలన్నీ పుకార్లేనని కొట్టిపారేశారట. ప్రస్తుతం రామ్ చరణ్ RRR సినిమా ప్రమోషన్స్‌తో బిజీ బిజీగా ఉన్నారు. దర్శక ధీరుడు రాజమౌళి రూపొందించిన ఈ సినిమా జనవరి 7న పలు భాషల్లో ప్రేక్షకుల ముందుకు రానుంది. ఈ భారీ చిత్రంలో జూనియర్ ఎన్టీఆర్ మరో హీరోగా నటించగా.. ఆలియా భట్, ఒలీవియా మోరిస్ హీరోయిన్లుగా నటించారు. దీంతో పాటు మెగాస్టార్ చిరంజీవి హీరోగా కొరటాల శివ దర్శకత్వంలో తెరకెక్కుతున్న 'ఆచార్య' సినిమాలో కీలకపాత్రలో నటిస్తున్నారు రామ్ చరణ్. అలాగే బిగ్గెస్ట్ సినిమాలకు కేరాఫ్ అడ్రస్ అయిన డైరెక్టర్ శంకర్‌ దర్శకత్వంలో తన 15వ ప్రాజెక్టు చేస్తున్నారు.
Comments
Post a Comment