Ajith : అజిత్ ‘వలిమై’లో టాలీవుడ్ హీరో కార్తికేయ సరికొత్త విలనిజం.. చూస్తే వణుకుపుడుతుందిగా!

మారుతున్న ట్రెండ్‌ను ఫాలో అవుతూ మాస్ ఇమేజ్ ఉన్న సినిమాల్లోనే కాకండా డిఫ‌రెంట్ సినిమాల్లో న‌టించాల‌ని నేటి త‌రం క‌థానాయ‌కులు భావిస్తున్నారు. అలా డిఫ‌రెంట్ మూవీస్‌లో న‌టించ‌డానికి రెడీ అంటున్న యంగ్ టాలీవుడ్ హీరో కార్తికేయ‌. తొలి చిత్రం ‘RX 100’తో యూత్‌లో మంచి క్రేజ్ సంపాదించుకున్న ఈయ‌న కెరీర్ ప్రారంభంలోనే నానికి విల‌న్‌గా న‌టించారు. ‘నానిస్ గ్యాంగ్ లీడ‌ర్’ చిత్రంలో కార్తికేయ విల‌న్‌గా క‌నిపించిన సంగ‌తి తెలిసిందే. ఆ త‌ర్వాత తెలుగులో విల‌న్‌గా న‌టించే అవ‌కాశాలు రాలేదో లేక చేయ‌న‌ని అన్నాడో తెలియ‌దు కానీ.. కోలీవుడ్‌లో మాత్రం ప్రతినాయ‌కుడిగా క‌నిపించ‌డానికి సై అన్నారు. ఆ సినిమా ఎవ‌రితో కాదు.. కోలీవుడ్ స్టార్ హీరో కుమార్ న‌టించిన ‘వ‌లిమై’. అజిత్ కుమార్‌కు త‌మిళ‌నాడులో ఎంత ఫాలోయింగ్ ఉందో ప్ర‌త్యేకంగా చెప్ప‌న‌క్క‌ర్లేదు. ఆయ‌న సినిమా ‘వ‌లిమై’లో విలన్ అంటే కూడా క్రేజ్ ఉంటుంద‌న‌డంలో సందేహం లేదు. ఈ విష‌యాన్ని ప‌సిగ‌ట్టిన కార్తికేయ ఏమాత్రం కాద‌న‌కుండా వ‌లిమైలో విల‌న్‌గా న‌టించారు. ఈ చిత్రం సంక్రాంతి సంద‌ర్భంగా జ‌న‌వ‌రి 13న భారీ రేంజ్‌లో విడుద‌ల‌కు సిద్ధ‌మ‌వుతుంది. హెచ్. వినోద్ ఈ మూవీని డైరెక్ట్ చేశారు. గురువారం ఈ సినిమా ట్రైల‌ర్‌ను విడుద‌ల చేశారు. ట్రైల‌ర్‌ను గ‌మ‌నిస్తే అజిత్ ఇందులో పోలీస్ ఆఫీస‌ర్‌గా న‌టించిన‌ట్లు స్ప‌ష్టం అవుతుంది. దోపీడీలు చేసే ముఠా నాయ‌కుడుగా కార్తికేయ క‌నిపించ‌నున్నారు. ధూమ్ స్టైల్లో బైక్స్‌పై వ‌స్తూ దోపీడీలు చేస్తుంటారు. అలాంటి వారిని హీరో ఎలా ప‌ట్టుకున్నాడ‌నేదే వ‌లిమై సినిమా అని అర్థ‌మవుతుంది. ట్రైల‌ర్‌లో యాక్ష‌న్ ఎలిమెంట్స్ గూజ్ బ‌మ్స్ తెప్పిస్తున్నాయి. బైక్ స్టంట్స్ అన్నీ క‌ళ్లు ఆర్పినీయ‌డం లేదు. ఇక కార్తికేయ లుక్‌, విల‌నిజం కూడా స‌రికొత్త‌గా ఉంది. చూస్తుంటే అమ్మో అని భ‌యం పుట్టించేలా ఉంది. ఈ సినిమాతో కార్తికేయుకు కోలీవుడ్‌లో మంచి గుర్తింపు వ‌స్తుంద‌న‌డంలో సందేహం లేదు. బోనీ క‌పూర్ ఈ చిత్రాన్ని నిర్మించారు. వ‌లిమై చిత్రాన్ని తెలుగు, క‌న్న‌డ‌, మ‌ల‌యాళ‌, హిందీ భాష‌ల్లోలోనూ విడుద‌ల చేస్తున్నారు. వ‌లిమై సినిమా తెలుగు టైటిల్ బ‌లం. మ‌రి అజిత్ నిజంగానే బాక్సాఫీస్ ద‌గ్గ‌ర ఎలాంటి బ‌లం చూపించి వ‌సూళ్లు కొల్ల‌గొడ‌తారో చూడాలి.