Sirivennela: అక్షరానికి అన్యాయం.. ఒంటరైన సాహిత్యం.. సిరివెన్నెల మరణంపై సెలబ్రిటీల స్పందన

సినీ గేయ రచయిత సీతారామశాస్త్రి మరణంతో సినిమా ఇండస్ట్రీలో విషాదం నెలకొంది. ఇటీవల న్యూమోనియాతో బాధపడుతూ ఆస్పత్రిలో చేరిన ఆయన చికిత్స పొందుతూ మంగళవారం సాయంత్రం 4 గంటల 7 నిమిషాలకు తుదిశ్వాస విడిచారు. 800లకు పైగా చిత్రాల్లో దాదాపు 3వేల పాటలు రాసిన సిరివెన్నెల మరణంతో చిత్ర పరిశ్రమలో విషాద ఛాయలు అలముకున్నాయి. ఆయన కుటుంబానికి ప్రగాఢ సానుభూతిని తెలియజేస్తూ.. సిరివెన్నెలతో ఉన్న అనుబంధాన్ని పంచుకుంటున్నారు సెలబ్రిటీలు. అక్షరానికి అన్యాయం చేసి, సాహిత్యాన్ని ఒంటరి చేసి అందనంత దూరం వెళ్లిపోయిన మహాకవి, మహా మనీషి గురువు గారు సీతారామశాస్త్రి గారికి కన్నీటి వీడ్కోలు అంటూ ప్రముఖ రచయిత కోనా వెంకట్ ట్వీట్ చేస్తూ సానుభూతి తెలియజేశారు. ఆయనతో పాటు మరికొంతమంది సెలబ్రిటీలు సిరివెన్నెలకు కన్నీటి వీడ్కోలు తెలియజేస్తున్నారు.