రాజ్ తరుణ్‌తో రెండు సార్లు ఆ అనుభవం.. యాక్సిడెంట్‌ అవ్వాలని కోరుకున్నా.. అరియానా శాడిజం!
బిగ్ బాస్ షోలో పార్టిసిపేట్ చేసే కంటే ముందు యాంకర్‌గా వ్యవహరించిన సంగతి తెలిసిందే. అలా యాంకరింగ్ చేసుకుంటూ ఆర్జీవీ కంట్లో పడటం, ఆయన అరియానా తొడల మీద కామెంట్లు చేయడంతో దశ తిరిగింది. అలా ఆర్జీవీ కామెంట్లతో వైరల్ అయిన అరియానా బిగ్ బాస్ షో చాన్స్ వచ్చింది. అలా మొత్తానికి బోల్డ్ బ్యూటీగా అరియానా బిగ్ బాస్ షోలో మంచి ఫాలోయింగ్ సంపాదించుకుంది. అతికి అంబాసిడర్‌లా అనిపించినా కూడా టాప్ 5 వరకు అరియానా చేరుకుంది. ఇప్పుడు సినిమాల్లోనూ అరియానా రచ్చ చేస్తోంది. అనుభవించు రాజా సినిమాలో ఓ పాత్రలో అరియానా కనిపించింది. తాజాగా అరియానా ఈ మూవీ షూటింగ్ విశేషాలు, రాజ్ తరుణ్‌తో తనకున్న అనుభవాల గురించి చెప్పుకొచ్చింది. ఒకప్పుడు రాజ్ తరుణ్ అంటే తనకు అస్సలు నచ్చదని అరియానా తెలిపింది. కానీ తనతో సినిమాకు ఎలా చేశానో అర్థం కావట్లేదని అంది. టీవీలో ఆయన సినిమాలు వస్తే అవి తీసేయ్‌మని చెప్పేదాన్ని. ఒకరోజు రాజ్ కారులో వెళుతుంటే తనకి యాక్సిడెంట్‌ అవ్వాలని కోరుకున్నానంటూ అరియానా తన శాడిజాన్ని బయటపెట్టేసింది. ఓ సారి ఇంటర్వ్యూకి పిలిచి వెయింట్ చేయించారంటూ.. చివరకు రాకుండా డబ్బింగ్ పని ఉందని వెళ్లిపోయాడట. అంతకు ముందు కూడా ఇలానే ఓ సారి ఇంటర్వ్యూ కోసం వెయిట్ చేయించాడంటూ అరియానా గతాన్ని గుర్తు చేసుకుంది. అలా రెండు సార్లు రాజ్ తరుణ్ హ్యాండ్ ఇచ్చాడట. అందుకే ఇలా ఇంత ద్వేషం ఏర్పడినట్టుంది. దెబ్బకు దెబ్బ అన్నట్టుగా.. ఓ రోజు కావాలనే సెట్‌లో రాజ్ తరుణ్‌ను 8 గంటలు వేయిట్‌ చేయించిందట అరియానా.
Comments
Post a Comment