ఆస్పత్రిలో సిరివెన్నెల.. హెల్త్ బులిటెన్ విడుదల
ప్రస్తుతం టాలీవుడ్ గడ్డు పరిస్థితులను ఎదుర్కొంటోంది. లెజెండరీ సెలెబ్రిటీలు అనారోగ్యాలతో ఆస్పత్రి పాలవుతున్నారు. మొన్నటి వరకు కైకాల సత్యనారాణ హాస్పిటల్‌లో చికిత్స తీసుకున్నారు. ఇప్పుడు ఆస్పత్రిలో ఉన్నారు. గత ఐదు రోజుల క్రితమే సిరివెన్నెలను ఆస్పత్రిలో చేర్పించారు. తాజాగా ఆయన ఆరోగ్యానికి సంబంధించిన హెల్త్ అప్డేట్‌ను ఆస్పత్రి యాజమాన్యం విడుదల చేసింది. సిరివెన్నెల న్యూమోనియాతో బాధపడుతూ నవంబర్ 24న ఆస్పత్రిలో చేరారు. నిపుణులైన వైద్యులతో సిరివెన్నెల సీతారామశాస్త్రికి వైద్యం అందిస్తున్నాం. ప్రస్తుతం సిరివెన్నెల ఐసీయూలో ఉన్నారు. సిరివెన్నెల ఆరోగ్య పరిస్థితిపై ఎప్పటికప్పుడు వివరాలు వెల్లడిస్తామని కిమ్స్ వైద్యులు తెలిపారు. గత రెండ్రోజుల క్రితం గురించి రకరకాల వార్తలను రావడంలో కుటుంబ సభ్యులు ఆ వార్తలను ఖండించారు. సీతారామాశాస్త్రి కేవలం న్యుమోనియాతోనే బాధపడుతున్నారని.. కిమ్స్ ఆసుప‌త్రిలో అడ్మిట్ చేసామని, కంగారు పడాల్సినదేమీ లేదని కుటుంబ సభ్యులు ప్రకటించిన సంగతి తెలిసిందే.
Comments
Post a Comment