చివరి నిమిషంలో RRR గ్లింప్స్ వాయిదా వేసిన జక్కన్న.. రీజన్ ఏంటంటే?

మోస్ట్ అవెయిటింగ్ మూవీ ఆప్ ఇండియా RRR. నిజానికి ఈ శుక్ర‌వారం(అక్టోబ‌ర్ 29)రోజున ఈ సినిమా నుంచి ముప్పై, న‌ల‌భై సెక‌న్ల పాటు గ్లింప్స్‌ను విడుద‌ల చేయాల‌ని చిత్ర యూనిట్ భావించింది. అందుకు త‌గిన‌ట్లు భారీగా ప్లాన్ కూడా చేసుకుంది. అప్‌డేట్ కోసం ఇటు మెగాభిమానులు, అటు నంద‌మూరి అభిమానులు ఎంతో ఆస‌క్తిగా ఎదురుచూడ‌సాగారు. ఈ నేపథ్యంలో క‌న్న‌డ సూప‌ర్‌స్టార్ గుండెపోటుతో క‌న్నుమూశారు. దీంతో శాండిల్‌వుడ్ సినీ పరిశ్ర‌మే కాకుండా, యావ‌త్ సినీ ప్ర‌పంచం శోక సంద్రంలో మునిగిపోయింది. దీంతో RRR మేక‌ర్స్ ఇలాంటి ప‌రిస్థితుల్లో గ్లింప్స్ విడుద‌ల చేయ‌డం స‌రికాద‌ని భావించారు. దాంతో గ్లింప్స్‌ను వాయిదా వేస్తున్న‌ట్లు తెలిపారు. ‘‘RRR గ్లింప్స్‌ను ఈరోజు సాయంత్రం విడుద‌ల చేయాల‌ని అనుకున్నాం. కానీ అనుకోని పరిస్థితుల్లో వాయిదా వేస్తున్నాం’’ అన్నారు. త్వ‌ర‌లోనే RRR గ్లింప్స్ విడుద‌ల‌కు సంబంధించిన అప్‌డేట్ అనౌన్స్ చేస్తారు. పునీత్ రాజ్‌కుమార్ హ‌ఠాన్మ‌రణంకు గౌర‌వమిస్తూ RRRఅప్‌డేట్‌ను వాయిదా వేయ‌డం మంచి విష‌య‌మ‌ని అంద‌రూ జ‌క్క‌న్న అండ్ టీమ్‌ను అప్రిషియేట్ చేస్తున్నారు. ‘బాహుబ‌లి’ త‌ర్వాత రాజ‌మౌళి ద‌ర్శ‌క‌త్వంలో రూపొందుతోన్న సినిమా కావ‌డంతో ఎంటైర్ ఇండియ‌న్ మూవీ ఇండ‌స్ట్రీ ఆస‌క్తిగా ఎదురుచూస్తుండ‌గా.. టాలీవుడ్ స్టార్ హీరోలైన యంగ్ టైగ‌ర్ ఎన్టీఆర్‌, మెగాప‌వ‌ర్‌స్టార్ రామ్‌చ‌ర‌ణ్ కాంబినేష‌న్ మూవీ కావ‌డంతో ఇటు మెగా ఫ్యాన్స్‌, అటు నందమూరి ఫ్యాన్స్‌తో పాటు టాలీవుడ్ ప‌రిశ్ర‌మ అంతా ఎదురుచూస్తుంది. అగ్ర న‌టీన‌టులు చేసిన సినిమా కావ‌డంతో సినిమా క‌లెక్ష‌న్స్ ప‌రంగా ఎలాంటి సంచ‌నాల‌కు తెర తీస్తుందోనిన ట్రేడ్ వ‌ర్గాలు ఎదురుచూస్తున్నాయి. ఇంత మందిలో ఆస‌క్తి పెంచుతోన్న ఈ సినిమా వ‌చ్చే ఏడాది సంక్రాంతి సంద‌ర్భంగా జ‌న‌వ‌రి 7న రావ‌డం ప‌క్కా అని ఇండ‌స్ట్రీ వ‌ర్గాలు చెప్పేస్తున్నాయి. ఇప్ప‌టికే క‌రోనా దెబ్బ‌కు రెండు, మూడు సార్లు సినిమా విడుద‌ల వాయిదా ప‌డింది. కానీ ఈసారి మాత్రం డేట్ ఫిక్స‌యిపోండ‌ని జ‌క్క‌న్న అంద‌రికీ చెప్పేశాడ‌ట‌. నిర్మాణానంత‌ర కార్య‌క్ర‌మాలు జ‌రుగుతున్నాయి. మ‌రో వైపు ద‌ర్శ‌క ధీరుడు రాజ‌మౌళి RRR ర‌న్ టైమ్‌ను లాక్ చేశాడ‌ట‌. సినిమా ర‌న్ టైమ్ 2 గంట‌ల 45 నిమిషాల‌ని న్యూస్ నెట్టింట హ‌ల్ చ‌ల్ చేస్తోంది. ఇప్పుడున్న పరిస్థితుల్లో సినిమా రెండున్నర గంట‌లు ఉంటేనే ఎక్కువ‌. కానీ.. రాజ‌మౌళి త‌న సినిమాకు 165 నిమిషాలు ఫిక్స్ చేయ‌డం టాక్ ఆఫ్ ది టౌన్‌గా మారింది. అయితే రాజ‌మౌళి గ‌త చిత్రం బాహుబ‌లి రెండు భాగాలు కూడా రెండున్నర గంట‌ల‌కు పైగానే ర‌న్ టైమ్‌తో ప్రేక్ష‌కుల‌ను ఆక‌ట్టుకున్నాయి. అదే పంథాలో ఈసారి కూడా RRR ర‌న్ టైమ్‌ల‌ను 165 నిమిషాలుగా రాజ‌మౌళి ఫిక్స్ చేశాడ‌ని సినీ వ‌ర్గాలంటున్నాయి. ఇక రాజ‌మౌళి తుది మెరుగులు దిద్దే ప‌నిలో కూర్చున్నాడ‌ట‌. సినిమా మ‌రింత ఎఫెక్టివ్‌గా రావాలంటే ఏం చేయాల‌నే దానిపై జక్క‌న్న తీవ్రంగా యోచిస్తున్నాడ‌ట‌.