RRR Movie: హీరోలంద‌రూ అలా కావ‌డానికి పూరీనే కార‌ణమంటోన్న రాజ‌మౌళి!

ద‌ర్శ‌క‌ధీరుడు రాజ‌మౌళి త‌న పాన్ ఇండియామూవీ మూవీని ప్రేక్ష‌కుల ముందుకు తీసుకు రావ‌డం ఫుల్ బిజీగా ఉన్నారు. సోమ‌వారం RRR గ్లింప్స్ విడుద‌ల చేస్తామ‌ని ఇప్ప‌టికే అనౌన్స్ చేసేశారు. అంద‌రూ గ్లింప్స్ కోసం ఎంతో ఆస‌క్తిగా ఎదురుచూస్తున్నారు. ఒక వైపు సినిమా పోస్ట్ ప్రొడ‌క్ష‌న్ కార్య‌క్ర‌మాలు జ‌రుగుతుండ‌గా ఇప్ప‌టి నుంచే జ‌క్క‌న్న త‌న RRR సినిమాను ప్ర‌మోట్ చేసుకోవ‌డంలో ఫుల్ బిజీగా ఉన్నారు. ఎందుక‌నో ప్ర‌త్యేకంగా చెప్ప‌న‌క్క‌ర్లేదు. పాన్ ఇండియా మూవీ కాబ‌ట్టి.. ఇప్ప‌టి నుంచి ప్ర‌మోష‌న్స్ ప్లాన్ చేసుకోవాల్సి ఉంటుంది. రీసెంట్‌గా హైద‌రాబాద్‌లో ఓ కాలేజ్‌లో జ‌రిగిన ఈవెంట్‌కు హాజ‌ర‌య్యారు. అక్క‌డ వారు సినిమా గురించి అడిగిన ప్ర‌శ్న‌ల‌న్నింటికీ ఎంతో ఓపిక‌గా బ‌దులిచ్చారు. ఈ సంద‌ర్భంలో ఒక‌రు ప్ర‌భాస్‌తో త‌ర్వాత సినిమా ఎప్పుడు చేస్తార‌ని అడిగారు. ఇప్పుడు ప్ర‌భాస్ చేతి నిండా సినిమాల‌తో ఫుల్ బిజీగా ఉన్నార‌ని, ఆయ‌నతో సినిమా ఇప్ప‌ట్లో కుద‌ర‌క‌పోవ‌చ్చున‌ని, కుదిరితే త‌ప్ప‌కుండా చేస్తాన‌ని చెప్పేసి న‌వ్వేశారు రాజ‌మౌళి. ఈ సంద‌ర్భంలో రాజ‌మౌళి డైరెక్ట‌ర్ పూరీ జ‌గ‌న్నాథ్ గురించి మాట్లాడారు. పూరితో ప్ర‌భాస్ చేసిన బుజ్జిగాడు మేడిన్ చెన్నై. ఈ సినిమా త‌ర్వాత త‌ను యాక్ట‌ర్‌గా చాలా మారిపోయాడ‌ని అన్నారు రాజ‌మౌళి. ఒక్క ప్ర‌భాస్‌నే కాదు.. పవ‌న్ క‌ళ్యాణ్‌, ఎన్టీఆర్‌, చ‌ర‌ణ్‌, మ‌హేశ్‌, ర‌వితేజ వంటి హీరోలంద‌రినీ మాస్ ఆడియెన్స్‌కు ద‌గ్గ‌ర చేసిన క్రెడిట్ పూరీ జ‌గ‌న్నాథ్‌కే ద‌క్కుతుంద‌ని అన్నారు జ‌క్క‌న్న‌. రాజ‌మౌళి ఫ్యామిలీకి పూరీ జ‌గ‌న్నాథ్ అంటే ఎంతో ఇష్టం. రాజ‌మౌళి తండ్రి, స్టార్ రైట‌ర్ విజ‌యేంద్ర ప్ర‌సాద్ మొబైల్ డీపీగా పూరీ జ‌గ‌న్నాథ్ ఫొటోనే ఉంటుంది. రైట‌ర్‌గా ఆయ‌న్ని జ‌క్క‌న్న ఫ్యామిలీ ఎంతో ఇష్ట‌ప‌డ‌తారు. అందుక‌నే త‌న సినిమా ప్ర‌మోష‌న‌ల్ స్టేజ్‌పై కూడా పూరిని చ‌క్క‌గా పొగిడేశారు రాజ‌మౌళి. RRRలో తెలంగాణ గోండు వీరుడు కొమురం భీమ్‌గా యంగ్ టైగ‌ర్ ఎన్టీఆర్ క‌నిపించ‌నుంటే, ఆంధ్ర ప్రాంతానికి చెందిన మ‌న్యం వీరుడు అల్లూరి సీతారామ‌రాజుగా మెగాప‌వ‌ర్‌స్టార్ రామ్‌చ‌ర‌ణ్ క‌నిపించ‌నున్నారు. ఈ రెండు పాత్ర‌లు చ‌రిత్ర‌లో క‌లుసుకోలేదు. అయితే ఒక‌వేళ క‌లుసుకుని బ్రిటీష్‌వారిపై పోరాడితే ఎలా ఉంటుంద‌నే ఫిక్ష‌న‌ల్ పాయింట్‌తో రాజ‌మౌళి ఈ సినిమాను తెర‌కెక్కించారు.అలాగే ఈ రెండు పాత్ర‌లు ఎలా ఉండ‌బోతాయ‌నే విష‌యాన్ని టీజ‌ర్స్ ద్వారా ప్రెజెంట్ చేశారు ద‌ర్శ‌క‌ధీరుడు. ఇంకా ఇందులో ఆలియా భ‌ట్‌, అజ‌య్ దేవ‌గ‌ణ్ స‌హా హాలీవుడ్ యాక్ట‌ర్స్ ఒలివియా మోరిస్‌, అలిస‌ణ్ డూడి, రే స్టీవెన్ స‌న్ న‌టించారు. త్వ‌ర‌లోనే దుబాయ్‌లో ప్రీ రిలీజ్ ఈవెంట్‌ను కూడా ప్లాన్ చేస్తున్నార‌ట‌. సినిమాను జ‌న‌వ‌రి 7న ప్ర‌పంచ వ్యాప్తంగా విడుద‌ల చేయ‌బోతున్నారు. బాహుబ‌లి త‌ర్వాత రాజ‌మౌళి ద‌ర్శ‌క‌త్వంలో భారీ బ‌డ్జెట్‌, తారాగ‌ణంతో వ‌స్తోన్న సినిమా కావ‌డంతో సినిమాపై భారీ అంచ‌నాలున్నాయి.