RC15 : రామ్చరణ్, శంక‌ర్ మూవీ లేటెస్ట్ అప్‌డేట్‌
మెగాపవర్‌స్టార్ రామ్చరణ్, స్టార్ డైరెక్ట‌ర్ శంక‌ర్ కాంబినేష‌న్‌లో ఓ భారీ పాన్ ఇండియా మూవీ రూపొందుతోన్న సంగ‌తి తెలిసిందే. రీసెంట్‌గానే ఈ సినిమా షూటింగ్‌ను పూనేలో భారీ సెట్ వేసి ప్రారంభించారు. అది కూడా రామ్చరణ్, కియారా అద్వానీల‌పై పాట‌తోనే షూటింగ్‌ను స్టార్ట్ చేశారు. కొన్ని రోజులుగా షూటింగ్ జ‌రుగుతోంది. లేటెస్ట్ స‌మాచారం మేర‌కు, న‌వంబ‌ర్ 2 వ‌ర‌కు షూటింగ్ జ‌రుగుతుంది. దాంతో తొలి షెడ్యూల్ పూర్త‌వుతుంది. ఈ షెడ్యూల్‌ను ఓ పాట, కొన్ని యాక్ష‌న్ స‌న్నివేశాల‌ను పూర్తి చేశారు. తదుప‌రి షెడ్యూల్‌ను హైద‌రాబాద్‌లో ప్రారంభిస్తార‌ట. చిన్న బేక్ త‌ర్వాత ఈ షెడ్యూల్‌ను ప్రారంభిస్తార‌ని టాక్ వినిపిస్తోంది. అలాగే ఈ సినిమాలోకి ఓ సీనియ‌ర్ మ‌ల‌యాళ స్టార్‌ను విల‌న్ రోల్‌కు శంక‌ర్ తీసుకున్నార‌ని వార్త‌లు నెట్టింట హ‌ల్ చ‌ల్ చేస్తున్నాయి. ఆ సీనియ‌ర్ మ‌ల‌యాళ స్టార్ ఎవ‌రో కాదు.. సురేశ్ గోపి. ప‌లు అనువాద చిత్రాల‌తో ఇది వ‌ర‌కే తెలుగు ప్రేక్ష‌కుల‌ను ప‌ల‌క‌రించారు ఈ సీనియ‌ర్ న‌టుడు. ‘ఆర్ఆర్ఆర్’ సినిమాను పూర్తి చేసిన రామ్చరణ్ ఆ వెంట‌నే పాన్ ఇండియా రేంజ్‌లో సినిమా చేయాల‌నుకుని శంక‌ర్‌తో చేతులు క‌లిపారు. తెలుగు నిర్మాత‌లు దిల్‌రాజు, శిరీశ్ ఈ చిత్రాన్ని భారీ బడ్జెట్‌తో నిర్మించ‌డానికి రెడీ అయ్యారు. వీరు నిర్మిస్తోన్న తొలి పాన్ ఇండియా మూవీ ఇది. రామ్చరణ్ 15వ సినిమా ఇది. ఇందులో రామ్‌చ‌ర‌ణ్‌ను స‌రికొత్త లుక్‌తో, క్యారెక్ట‌రైజేష‌న్‌తో శంక‌ర్ ప్రెజెంట్ చేయ‌బోతున్నాడు. ఒక పాత్ర‌లో క‌లెక్ట‌ర్‌గా, మరో వేరియేష‌న్‌లో ముఖ్య‌మంత్రిగా రామ్చరణ్ క‌నిపించ‌బోతున్నాడ‌నేదిటాక్‌. కియారా అద్వానీ ఇందులో హీరోయిన్‌గా న‌టిస్తోంది. సునీల్ కీల‌క పాత్ర‌లో న‌టిస్తున్నారు. త‌మ‌న్ ఈ చిత్రానికి సంగీతాన్ని అందిస్తున్నారు. సాధార‌ణంగా శంక‌ర్ సినిమా అంటే సంచ‌ల‌నాల‌కు కేరాఫ్ అడ్ర‌స్ అనొచ్చు. మ‌రి పొలిటికల్ థ్రిల్లర్‌గా రూపొందుతున్న ఈ సినిమాతో శంక‌ర్ ఎలాంటి సంచ‌నాల‌కు తెర తీయ‌బోతున్నారో చూడాలి. శంక‌ర్ సినిమా పూర్త‌యిన త‌ర్వాతే చరణ్, గౌత‌మ్ తిన్న‌నూరి సినిమా సెట్స్‌పైకి వెళ్ల‌నుంది. ఇది కూడా క‌చ్చితంగా పాన్ ఇండియా సినిమాయే అన‌డంలో సందేహం లేదు. ఎందుకంటే ఇప్పుడు షాహిద్ క‌పూర్ జెర్సీతో గౌత‌మ్ తిన్న‌నూరి బాలీవుడ్ ప్రేక్ష‌కుల‌కు కూడా సుప‌రిచితుడ‌వుతాడ‌న‌డంలో సందేహం లేదు. కాబట్టి చరణ్ ఈ సినిమాను కూడా పాన్ ఇండియా రేంజ్‌లోనే ప్లాన్ చేసుకుని ఉంటాడు.
Comments
Post a Comment