నా ఊపిరి పోయేంత వరకు వారితోనే ఉంటా.. మెగా బ్రదర్ నాగబాబు కామెంట్స్ వైరల్

మెగా బ్రదర్ నాగబాబు సోషల్ మీడియాలో ఎంత యాక్టివ్‌గా ఉంటారో అందరికీ తెలిసిందే. నాగబాబు వేసే కౌంటర్లకు మీమర్లు సైతం షాక్ అవుతుంటారు. అలా నాగబాబు తనలో నిద్రపోతోన్న మీమర్‌ను అప్పుడప్పుడూ పైకి లేపుతుంటాడు. తనలో ఉన్న ఆ కోరిక, ఆశే మీమర్లను సైతం కలిసేలా చేసింది. వారిని స్పెషల్‌గా ఇంటికి పిలిపించుకుని మరీ ముచ్చటించాడు. లైవ్‌లోనూ వారితో మాట్లాడాడు. తాజాగా నాగబాబు తన ఇన్ స్టాలో క్వశ్చన్ అండ్ ఆన్సర్స్ సెషన్ పెట్టేశాడు. దానిలో భాగంగా నాగబాబు తన మేధాశక్తికి పదును పెట్టేశాడు. అందరికీ కౌంటర్ల మీద కౌంటర్లు వేశాడు. ఇక పోసాని చేసిన కామెంట్ల మీదా తన స్టైల్లో స్పందించారు. గురించి గతంలో పోసాని చెప్పిన మంచి విషయాలు, గొప్పగా మాట్లాడిన వీడియోలను షేర్ చేశాడు. అలా నెటిజన్లు రకరకాల వివాదాలపై నాగబాబును ప్రశ్నలు అడిగారు. ఇక ఓ నెటిజన్ అయితే ఏకంగా పాలిటిక్స్ మీద ఇంట్రెస్ట్ లేదంటే ఎలా మాస్టారు? ప్రజలకు ఎలా సేవ చేస్తారు? అని అడిగాడు. దానికి నాగబాబు తన స్టైల్లో సమాధానం ఇచ్చాడు. తన సోదరుల మీదున్న ప్రేమను అందరికీ తెలిసేలా చేశాడు. ‘అంటే పాలిటిక్స్‌లో ఉండేనే ప్రజలకు సేవా చేయాలి.. లేదంటే చేయకుండా ఉండాలి అంతేగా. అరరే పెద్ద సమస్యే వచ్చిందే.. ఈ విషయం తెలియక చాలా పొరపాటు చేశానే. జోకులు పక్కన పెడితే.. నా ఊపిరి ఉన్నంత వరకు నేను సోదరులతోనే ఉంటాను. వారి ఆశయాలతో నాకు సంబంధం లేకుండా నేను వారితో ఉంటాను.. మద్దతు తెలుపుతాను. పొలిటికల్‌గా కాకుండా నా చేతనైన సహాయం కష్టాల్లో ఉన్న వాళ్లకి చేస్తాను’ అని అన్నాడు.