ఆమెకు సపోర్ట్ చేస్తే.. ఈ సమాజం నన్ను యాక్సెప్ట్ చేస్తుందా.. నాగబాబు సంచలన కామెంట్స్

మెగా బ్రదర్ సోషల్ మీడియాలో ఎంత యాక్టివ్‌గా ఉంటారో అందరికీ తెలిసిందే. ఇక నాగబాబు కౌంటర్లు వేసేందుకు రంగంలోకి దిగిన తలపండిన దిగ్గజ మీమర్లు సైతం షాక్ అవ్వాల్సిందే. మీమ్స్, ట్రోల్స్ వేయడంలో నాగబాబు ఎంతటి సమర్థుడో అందరికీ తెలిసిందే. అయితే ఈ మధ్య కాస్త స్లో అయిన నాగబాబు మళ్లీ లైన్‌లోకి వచ్చాడు. ప్రస్తుతం జరుగుతున్న ఇష్యూల మీద నెటిజన్లు ప్రశ్నలు వేయడం, నాగబాబు తన స్టైల్లో కౌంటర్లు వేయడం జరిగింది. ఈ క్రమంలో మెగా అభిమానులు ఎక్కువగా పోసానీ మీడియా సమావేశం మీదే ప్రశ్నలు సంధించారు. ఇక పవన్ కళ్యాణ్‌ను గతంలో పోసానీ పొగిడిన వీడియోలను పెడుతూనే తన ఉద్దేశ్యం ఏంటో నాగబాబు చెప్పేశారు. అప్పుడు అలా మాట్లాడిన వాడే ఇప్పుడు ఇలా మాట్లాడుతున్నాడు అంటూ కౌంటర్లు వేసేశాడు. అయితే ఓ నెటిజన్ మాత్రం , ఐపీఎల్ గురించి ప్రశ్నించాడు. ఈ రెంటిలో దేన్ని ఫాలో అవుతున్నారు అని అడిగేశాడు. అయితే ఆ ప్రశ్నకు నాగబాబు తన స్టైల్లో సమాధానం ఇచ్చాడు. బిగ్ బాస్ చూడకుండా ఐపీఎల్ చూస్తూ.. నా బిడ్డలాంటి ప్రియాంక సింగ్‌కి సపోర్ట్ చేస్తే.. ఈ సమాజం నన్ను యాక్సెప్ట్ చేస్తుందా మావా.. అంటూ సెటైర్ వేశాడు. బిగ్ బాస్ షో ప్రారంభ సమయంలోనే నాగబాబు ఓ వీడియోను వదిలాడు. ఈ ఐదో సీజన్‌లో తనకు తెలిసిన ఎంతో మంది షోలోకి వచ్చారని, అందరిలోకెల్లా సాయి తేజ్ అలియాస్ తనకు బిడ్డలాంటి వారని, ఆమె గెలిస్తే చూడాలని ఉందంటూ ఆమెకు తన మద్దతను ప్రకటించాడు నాగబాబు.