Seetimaarr Trailer : సౌత్ కా సత్తా సీటీమార్‌కే.. గోపీచంద్ మాస్ యాంగిల్!

గోపీచంద్ కాంబినేషన్‌లో సంపత్ నంది తెరకెక్కించిన సినిమా సీటీమార్. కబడ్డీ ఆట నేపథ్యంలో రాబోతోన్న ఈ మూవీ ఇప్పటికే పలుమార్లు వాయిదా పడింది. కరోనా, లాక్డౌన్ వల్ల ఆలస్యమవుతూ వచ్చిన ఈ సినిమాకు ఎట్టకేలకే థియేటర్లో ప్రేక్షకుల ముందుకు రాబోతోంది. వినాయక చవితి సందర్భంగా ఈ మూవీ సెప్టెంబర్ 10న విడుదల కాబోతోంది. తాజాగా ఉస్తాద్ హీరో ఇస్మార్ట్ ఈ మూవీ ట్రైలర్‌ను విడుదల చేశారు. గోపీచంద్‌లోని మాస్ యాంగిల్ మొత్తానికి బయటకు తీసినట్టు కనిపిస్తోంది. యాక్షన్ సీక్వెన్స్‌లకు నిజంగానే పడేట్టు కనిపిస్తోంది. ఇక సీటీమార్ ట్రైలర్ ఆద్యంతం మాస్ ప్రేక్షకులను మెప్పించేందుకు కట్ చేసినట్టుగా అనిపిస్తుంది. గోపీచంద్ మూవీ తరహాలోని భారీ యాక్షన్ సీక్వెన్స్‌లు సీటీమార్‌లో కుప్పలు తెప్పలుగా ఉన్నట్టు కనిపిస్తున్నాయి. ఆటలు, ఆడవాళ్లు అంటూ ఎమోషనల్ సీన్లు కూడా కనిపిస్తున్నాయి. ఆడవాళ్లపై జరిగే వివక్ష, ఆటల్లో ఆడవారిని రానివ్వకుండా సమాజం ఎలాంటి అవమనాలు చేస్తుందో.. పొట్టి బట్టలపై ఎలాంటి కామెంట్లు చేస్తుందో ట్రైలర్‌లో చూపించారు. వారు వేసుకునే బట్టల సైజుతోనే వారి క్యారెక్టర్‌ను గుర్తిస్తారు అంటూ రాసిన డైలాగ్ ఆకట్టుకునేలా ఉంది. సీటీమార్‌లో సౌత్, నార్త్ వివక్షను కూడా అంతర్లీనంగా టచ్ చేసినట్టు కనిపిస్తోంది. ట్రైలర్ చివర్లో చెప్పిన డైలాగ్ అందరినీ ఆకట్టుకునేలాా ఉంది. సౌత్ కా సత్తా మార్ కే నై.. సీటీమార్ కే దికాయేంగే (సౌత్ సత్తా ఏంటో ఇలా కొట్టి చెప్పం. సీటీ కొట్టి మరీ చెబుతాం) అంటూ గోపీచంద్ చెప్పిన డైలాగ్ బాగుంది. మొత్తానికి ఈ మూవీ మాస్ ప్రేక్షకులనే కాకుండా ప్రతీ ఆడియెన్‌ను కట్టిపడేసేలా ఉంది.