Pawan Kalyan ఫామ్ హౌస్‌కి వెళ్లే లక్కీ ఛాన్స్ నాకు దక్కింది.. నా ఫస్ట్ క్రష్.. ఆ కళ్లు చూస్తే: మిర్చి ఆర్జే భార్గవి

రేడియో మిర్చి శ్రోతలందరికీ పరిచయమే. అనేక మంది సెలబ్రిటీలు.. రాజకీయ ప్రముఖుల్ని ఇంటర్వ్యూ చేసి.. సుమారు 4000 వేలకు పైగా ఇంటర్వ్యూలతో ఆర్జే భార్గవి పాపులర్ అయ్యారు. అయితే తన ఫస్ట్ క్రష్ అంటూ ఓపెన్ అయిన భార్గవి.. పవన్‌తో ఉన్న అనుబంధాన్ని పంచుకున్నారు. భార్గవి మాట్లాడుతూ.. ‘‘నా ఫస్ట్ క్రష్.. ఎవరంటే ఆయన ఆరడుగుల బుల్లెట్.. పవన్ కళ్యాణ్ నా ఫస్ట్ క్రష్.. ఖుషీ సినిమా దగ్గర నుంచి ఆయన స్టైల్.. డైలాగ్స్.. ముఖ్యంగా ఆయన కళ్లు చూస్తే ఆహా!! పవన్ కళ్యాణ్ లాంటి వ్యక్తి లైఫ్‌లో ఉంటే ఎంత బావుండు అనిపిస్తుంది. ఆయన్ని చూస్తుంటే ఈరోజుకి కూడా చాలా థ్రిల్‌‌గా ఉంటుంది. వకీల్ సాబ్ చూస్తుంటే కళ్లలో నీళ్లు వచ్చాయి. నాకు చాలా ఇష్టమైన వ్యక్తి.. ఫస్ట్ క్రష్ పవన్ కళ్యాణ్. నేను చాలామందితో ఇంటర్వ్యూలు చేసినప్పటికీ పవన్ కళ్యాణ్ గారిలో ఉన్న సింప్లిసిటీ అంటే నాకు చాలా ఇష్టం. అజ్ఞాతవాసి సినిమా టైంలో.. త్రివిక్రమ్ గారి ఆఫీస్ నుంచి నాకు ఫోన్ రావడం.. పవన్ కళ్యాణ్‌గారిని ఇంటర్వ్యూ చేయాలని చెప్పడం.. ఇది నిజమా కలా అని నన్ను నేను గిల్లుకుని చూసుకున్నా.. రాత్రి మొత్తం మోల్కొని.. ఆయన ఫామ్ హౌస్‌కి వెళ్లే లక్కీ ఛాన్స్ నాకు దక్కింది. ఆ ఫామ్ హౌస్ చూస్తే చాలా నేచురల్‌గా ఉంది. చెట్లు, ఆవులు, దూడలూ అన్నీ కనిపిస్తాయి.. ఆ చెట్లలో నుంచి పవన్ కళ్యాణ్ పంచె కట్టుకుని చాలా సింపుల్‌గా వస్తే.. అబ్బబ్బా ఆ ఫీలింగే చాలా గ్రేట్.. ఆయనతో కాఫీ తాగడం.. ఆయనే స్వయంగా సీతాఫలాలు కోసి ఇవ్వడం.. ఆయన చదివే పుస్తకాలు చూపించడం.. ఇవన్నీ చూశాక ఆయన నుంచి నేర్చుకోవాల్సింది చాలా ఉందనిపించింది. కంటెంట్ ఉంటే.. మనిషికి కాన్ఫిడెన్స్ వస్తుందని నేను పవన్ కళ్యాణ్‌ని చూసి నేర్చుకున్నాను. ఆయనకు చాలా నాలెడ్జ్ ఉంది.. పుస్తకాలే ఆయనకి పెద్ద ఫ్రెండ్. ఇంటర్వ్యూ చేసేటప్పుడు చాలామంది ఫేక్‌గా అనిపిస్తారు కానీ పవన్ కళ్యాణ్ అలా కాదు’ అంటూ పవర్ స్టార్‌పై పొగడ్తల వర్షం కురిపించింది మిర్చి ఆర్జే భార్గవి.