Maestro: నితిన్ 'మాస్ట్రో' నుంచి ఇంట్రెస్టింగ్ వీడియో రిలీజ్.. కృష్ణాష్టమి స్పెషల్ గిఫ్ట్

ఈ ఏడాది వరుస సినిమాలను లైన్‌లో పెట్టిన యంగ్ హీరో ఇటీవలే 'చెక్' సినిమాతో డిజాస్టర్ మూటగట్టుకొని ఆ వెంటనే 'రంగ్ దే' మూవీతో డీసెంట్ హిట్ అందుకున్నాడు. ఇక ఇప్పుడు 'మ్యాస్ట్రో' అంటూ మరో డిఫరెంట్ సినిమాతో ప్రేక్షకుల ముందుకు రాబోతున్నాడు. సూపర్ హిట్ మూవీ ‘అంధాధూన్’ తెలుగు రీమేక్‌‌గా మేర్లపాక గాంధీ దర్శకత్వంలో ఈ మూవీ తెరకెక్కుతోంది. , హీరోయిన్లుగా నటిస్తున్నారు. నితిన్ సొంత నిర్మాణ సంస్థ 'శ్రేష్ఠ్ మూవీస్' బ్యానర్‌పై రూపొందుతున్న ఈ సినిమాకు నితిన్ తండ్రి సుధాకర్ రెడ్డి, సోదరి నిఖితా రెడ్డి నిర్మాతలుగా వ్యవహరిస్తున్నారు. మహతి స్వరసాగర్ సంగీతం అందిస్తున్నారు. చిత్రంలో నితిన్ అంధుడిగా కనిపించనుండటం విశేషం. ఇప్పటికే ఈ చిత్రానికి సంబంధించిన అన్ని కార్యక్రమాలు ఫినిష్ చేసిన చిత్రయూనిట్.. ఓటీటీ వేదిక హాట్ స్టార్‌లో ఈ చిత్రాన్ని విడుదల చేయనున్నారు. సెప్టెంబర్ 17వ తేదీ నుంచి స్ట్రీమింగ్ చేయనున్న నేపథ్యంలో ప్రమోషన్ కార్యక్రమాలు వేగవంతం చేశారు. ఇందులో భాగంగా కృష్ణాష్టమి స్పెషల్ గిఫ్ట్ ఇచ్చారు. '' స్నీక్ పీక్‌ అంటూ నితిన్‌ ఇంట్రెస్టింగ్ వీడియో వదిలారు. నితిన్ కెరీర్‌లో 30వ సినిమాగా ప్రేక్షకుల ముందుకు రాబోతున్న ఈ చిత్రంపై ఆయన అభిమానులు బోలెడన్ని ఆశలు పెట్టుకున్నారు. మరోవైపు ఈ సినిమాతో ఎలాగైనా బిగ్ సక్సెస్ అందుకోవాలని నితిన్ పట్టుదలగా ఉన్నారు.