Drug Peddling Case: సినీ నటి ఇంట్లో గంజాయి.. బాత్రూమ్లో దాక్కున్నా వదలని పోలీసులు!!
సినీ ఇండస్ట్రీలో మరోసారి కేసు కలకలం సృష్టిస్తోంది. శాండల్వుడ్ డ్రగ్స్ కేసులో ఇప్పటికే సంజనా, రాగిణిలు అరెస్ట్ కావడం, సంచలన విషయాలు వెలుగులోకి రావడం జరగగా.. తాజాగా మరో నటి పేరు తెరపైకి రావడం హాట్ టాపిక్ అయింది. శాండల్వుడ్ నటి సోనియా అగర్వాల్ ఇంట్లో గంజాయి దొరికినట్లు పోలీసులు చెబుతున్నారు. ప్రస్తుతం ఆమె పోలీస్ కస్టడీలో ఉంది. మాదక ద్రవ్యాలు విక్రయించే ముఠాలో ఒకరు సోనియా వివరాలు చెప్పడంతో ఆమె ఇంట్లో సోదాలు నిర్వహించారట. ఈ క్రమంలో 40 గ్రాముల గంజాయి దొరకడంతో దాన్ని స్వాధీనం చేసుకున్నారని తెలిసింది. కాస్మెటిక్ వ్యాపారాన్ని నిర్వహిస్తున్న నటి సోనియా అగర్వాల్ కొందరు ప్రముఖులతో టచ్లో ఉంటూ ఈ డ్రగ్స్ పెడల్లో భాగమవుతోందని ఆరోపణలు రావడంతో పోలీసులు సోదాలు చేశారు. సోనియాతో పాటు ఇదే విషయమై ఆరోపణలు ఎదుర్కొంటున్న మరో ఇద్దరు వ్యాపారవేత్తలు డిజె వచన్ చిన్నప్ప, భరత్ను బెంగుళూరులోని గోవిందపుర పోలీసులు ఈ రోజు అరెస్ట్ చేశారు. అయితే పోలీసుల ఆకస్మిక దాడి గురించి ముందే సమాచారం అందుకుందట సోనియా అగర్వాల్. వెంటనే ఓ ప్రైవేట్ హోటల్లో బుక్ చేసుకొని హోటల్ గదిలోని వాష్రూమ్లో దాక్కుందని, అయిన సోనియా జాడ తెలుసుకొని పోలీసులు అరెస్ట్ చేశారని అక్కడి మీడియా వర్గాలు చెబుతున్నాయి. మరోవైపు టాలీవుడ్లో కూడా మరోసారి డ్రగ్స్ కేసులు ప్రకంపనలు సృష్టిస్తున్నాయి. గతంలో ఆరోపణలు ఎదురుకున్న సెలబ్రిటీలందరికీ ఎన్ఫోర్స్మెంట్ డెరక్టరేట్(ఈడీ) రీసెంట్గా సమన్లు పంపించింది. ఈ రోజు (మంగళవారం) నుంచి ఈడీ విచారణ మొదలైంది. విచారణలో భాగంగా డైరెక్టర్ పూరీ జగన్నాథ్ ఈరోజు ఈడీ ముందు హాజరయ్యారు. ఛార్మి, రకుల్ ప్రీత్ సింగ్, రానా, రవితేజ, నవదీప్, ముమైత్ ఖాన్, తనీష్, నందు విచారణ ఎదుర్కోనున్నారు.
Comments
Post a Comment