ఆయనతో గడపడమంటే చాలా ఇష్టం.. శాంతనుతో రిలేషన్! పెళ్లిపై శృతి హాసన్ ఓపెన్ కామెంట్స్
స్టార్ హీరో కమల్ హాసన్ కూతురిగా సినీ గడపతొక్కి స్టార్ హీరోయిన్గా పేరు తెచ్చుకుంది . ఎక్కువగా మోడ్రన్ కల్చర్ ఇష్టపడే ఆమె సోషల్ మీడియాలో చాలా విషయాలపై ఓపెన్ అవుతుంటుంది. ముఖ్యంగా తన లవ్ మ్యాటర్స్ మాత్రం అస్సలు దాచుకోని ఆమె.. గతంలో తన ప్రియుడు మైఖేల్ కోర్సలేతో చేసిన హంగామా అంతా ఇంతా కాదు. ఆ తర్వాత అతనికి బ్రేకప్ చెప్పేసి డూడుల్ ఆర్టిస్ట్ శాంతను హజారికతో క్లోజ్ రిలేషన్ మెయిన్టైన్ చేస్తుండటంతో వాళ్ళిద్దరిపై రకరకాల వార్తలు వైరల్ అవుతున్నాయి. శాంతనుతో ఎక్కువ సమయం గడుపుతూ.. అతనితో కలిసున్న ఫొటోలను తరచూ సోషల్ మీడియాతో షేర్ చేస్తూ హల్చల్ చేస్తోంది. చెట్టాపట్టాలేసుకొని తిరుగుతూ డేటింగ్ చేస్తూ నిత్యం వార్తల్లో నిలుస్తోంది. దీంతో శృతి పెళ్లిపై తెగ రూమర్స్ పుట్టుకొచ్చాయి. శాంతనుతో శృతి ప్రేమాయణం నడుపుతోందని, త్వరలోనే పెళ్లి కూడా చేసుకోబోతోందనే వార్తలు వైరల్ అయ్యాయి. ఈ నేపథ్యంలో తాజాగా జరిగిన ఓ ఇంటర్వ్యూలో పెళ్లిపై ప్రశ్న ఎదురుకావడంతో ఆసక్తికరంగా స్పందించింది శృతి. పెళ్లి చేసుకోవాలని అనిపించిన వెంటనే ఆ విషయం అందరికీ చెప్పేస్తానని, ప్రస్తుతానికైతే అలాంటి ఆలోచనలు లేవని చెప్పుకొచ్చింది. పెళ్లికి సంబంధించి తన దగ్గర ఎలాంటి సీక్రెట్స్ లేవని చెప్పిన ఆమె.. శాంతను తన బెస్ట్ ఫ్రెండ్ అని, ఆయనంటే తనకు ఎంతో గౌరవం ఉందని తెలిపింది. తమ మధ్య అభిరుచులు కలిశాయి కాబట్టే అతనితో ఎక్కువ సమయం గడపడానికి ఇష్టపడతానని చెప్పింది. స్టార్ హీరోయిన్గా కెరీర్ కొనసాగుతున్న సమయంలోనే సినిమాలకు చిన్న బ్రేక్ ఇచ్చిన శృతి హాసన్ రీసెంట్గా 'క్రాక్' సినిమాతో తిరిగి ప్రేక్షకుల ముందుకొచ్చింది. ప్రస్తుతం ప్రభాస్ హీరోగా రూపొందుతున్న భారీ సినిమా 'సలార్' షూటింగ్లో పాల్గొంటోంది.
Comments
Post a Comment