‘అతను చాలా కూల్‌గా ఉండే వ్యక్తి’.. నాగార్జునకు తన స్టైల్‌లో విషెస్ చెప్పిన మెగాస్టార్

అందానికి కేరాఫ్ అడ్రస్ ఆయన.. ‘మన్మథుడు’ అనే పదానికి రూపం వస్తే అది ఆయన. ఆయనే ‘కింగ్’ వయస్సు పెరుగుతున్నా.. మరింత హ్యాండ్‌సమ్‌గా మారిపోతూ.. ప్రేక్షకుల మనస్సు దోచుకుంటున్నారు నాగార్జున. హిట్, ఫ్లాప్‌లతో సంబంధం లేకుండా ఆయన సినిమాలు చూస్తారు అభిమానులు. ఎందుకంటే అందులో కచ్చితంగా కావాల్సినంత వినోదం ఉంటుంది. ఇక ఆయన పుట్టినరోజు వచ్చింది అంటే అభిమానులు చేసే సందడి మామూలుగా ఉండదు. టపాసులు కాలుస్తూ.. కేకులు కట్ చేస్తూ రచ్చ రచ్చ చేస్తారు. కాగా, ఆదివారం నాగార్జున తన పుట్టినరోజు జరుపుకుంటున్నారు. ఈ సందర్భంగా ఆయనకు పెద్ద ఎత్తున విషెస్ తెలుపుతున్నారు అభిమానులు. ఫ్యాన్స్‌తో పాటు.. తోటి కళాకారులు కూడా ఆయనకు శుభాకాంక్షలు చెబుతున్నారు. మెగాస్టార్ కూడా నాగార్జునకు తనదైన స్టైల్‌లో శుభాకాంక్షలు చెప్పారు. ‘ఆయన జీవితంలో వచ్చే ప్రతీ క్షణం ఎంతో ప్రశాంతంగా ఉండే మనిషి. హద్దులు లేకుండా నటనలో తరచూ ప్రయోగాలు చేస్తుంటాడు. అంతకంటే మించి.. ఎంతోకాలంగా నాకు ఎప్పటికీ ప్రియమైన మిత్రుడు నాగార్జునకు పుట్టినరోజు శుభాకాంక్షలు’ అంటూ చిరు ట్వీట్ చేశారు. ఇక నాగార్జున పుట్టిన రోజు సందర్భంగా ఆయన నటిస్తున్న ‘బంగార్రాజు’ సినిమా పోస్టర్‌ని ఆయన కుమారుడు నాగ చైతన్య విడుదల చేశారు. దీన్ని నటి రమ్మకృష్ణ కూడా షేర్ చేశారు. దీంతో పాటు ఆయన నటిస్తున్న మరో చిత్రం ‘ది గోష్ట్’. నాగార్జున పుట్టినరోజు సందర్భంగా ఈ సినిమా ఫస్ట్‌లుక్‌ కూడా విడుదల చేసింది చిత్ర యూనిట్.. ప్రవీణ్ సత్తారు దర్శకత్వంలో రూపొందుతున్న ఈ సినిమాను సోనాలి నారంగ్ సమర్పణలో శ్రీ వెంకటేశ్వర సినిమాస్ మరియు నార్త్ స్టార్ ఎంటర్ టైన్మెంట్స్ ప్రై.లి బ్యానర్లపై నారాయణ దాస్ కె నారంగ్, రామ్మోహన్ రావు, శరత్ మరార్ సంయుక్తంగా ఈ సినిమాను నిర్మిస్తున్నారు.