40 ఏళ్ల క్రింద ఈ అమ్మాయి దొరికితే! ఖచ్చితంగా అదే చేసేవాడిని.. పబ్లిక్‌గా హీరోయిన్‌పై ఆర్జీవీ కామెంట్స్
సంచలనాలకు మారు పేరు అని చెప్పుకోవచ్చు. ఆయన నోటివెంట ఎప్పుడు ఎలాంటి పదాలు వస్తాయో ఎవ్వరూ ఊహించలేరు. తనదైన స్టైల్‌లో లాజిక్స్ మాట్లాడుతూ హీరోయిన్ల అందాలపై కామెంట్స్ చేయడంతో దిట్ట వర్మ. ఈ క్రమంలోనే పబ్లిక్‌గా ఓ వేదికపై తాజాగా యంగ్ హీరోయిన్ మేఘ ఆకాష్‌పై ఆయన చేసిన కామెంట్స్ వైరల్ అవుతున్నాయి. మేఘ ఆకాష్‌, అరుణ్‌ అదిత్‌, అర్జున్ సోమయాజుల లీడ్ రోల్స్‌లో తెరకెక్కిన కొత్త సినిమా ‘’. సుశాంత్‌ రెడ్డి దర్శకత్వంలో రూపొందిన ఈ సినిమాకు అర్జున్ దాస్యన్‌ నిర్మాతగా వ్యవహరించారు. సెప్టెంబర్‌ 3న ఈ సినిమాను ప్రేక్షకుల ముందుకు తీసుకురానున్న నేపథ్యంలో చిత్ర ప్రమోషన్స్‌లో గ్రాండ్ ప్రీ రిలీజ్ ఈవెంట్ నిర్వహించారు. ఈ వేడుకకు ముఖ్య అతిథిగా హాజరైన రామ్ గోపాల్ వర్మ.. చిత్ర యూనిట్‌పై, ముఖ్యంగా హీరోయిన్ మేఘ ఆకాష్‌పై ఆసక్తికర వ్యాఖ్యలు చేశారు. 40 ఏళ్ల క్రితం నాకు ఇలాంటి అమ్మాయి కనిపించి ఉంటే నేనిప్పుడు ఇలా ఉండేవాడిని కాదేమో.. నాకు డివోర్స్ అయి ఉండేవి కావేమో అంటూ ఆర్జీవీ చేసిన కామెంట్‌తో అంతా ఆశ్చర్యపోయారు. అంతటితో ఆగని వర్మ.. మేఘ చాలా స్వీట్‌గా ఉంటుందని, తనని కలిసిన వారికి డయాబెటిస్‌ కూడా వస్తుందంటూ తనదైన కోణంలో రియాక్ట్ అయ్యారు. వర్మ ఇలా మాట్లాడుతుంటే అక్కడే ఉన్న మేఘ ఉబ్బి తబ్బిబ్బయింది. ఇకపోతే అదిత్‌ మంచి నటుడని, త్వరలోనే అతనితో ఓ సినిమా చేయబోతున్నానని వర్మ అన్నారు. ఈ సినిమా పాటలు, టీజర్‌, ట్రైలర్‌ చాలా బాగున్నాయని తెలుపుతూ చిత్ర బృందానికి ప్రత్యేక శుభాకాంక్షలు చెప్పారు ఆర్జీవీ.
Comments
Post a Comment