Nara Lokesh: తిమ్మరుసులో ‘తియ్యగుందీ’.. లోకేష్ బాబుపై సెటైర్.. థియేటర్స్‌లో నవ్వులే నవ్వులు

సత్యదేవ్ నటించిన ‘తిమ్మరుసు’ చిత్రం నేడు (జూలై 30) థియేటర్స్‌లో విడులైంది. లాక్ డౌన్ ప్రభావంతో ప్రేక్షకులకు వినోదం కరువైంది. ఓటీటీ ఉన్నా.. ఆహా, నెట్ ఫ్లిక్స్, ప్రైమ్, హాట్ స్టార్, జీ 5 ఇలా దేనికది సెపరేటు రేట్లు ఉండటంతో పేదోడు, మధ్యతరగతి వాళ్లకి ఓటీటీ ఉన్నా లేనట్టే. ఆ విషయాన్ని పక్కనపెడితే.. థియేటర్స్‌లో సినిమా చూస్తే ఆ మజానే వేరు. మొత్తానికి సెకండ్ వేవ్ తరువాత ‘తిమ్మరుసు’ చిత్రంలో థియేటర్స్ వద్ద పండగ వాతావరణాన్ని తీసుకుని వచ్చింది. ఇక సినిమాకి కూడా పాజిటివ్ రెస్పాన్స్ రావడం శుభపరిణామం. ఇక అసలు విషయానికి వస్తే.. క్రైమ్ థ్రిల్లర్ కథల్లో సీరియస్ నెస్ పోతుందని వినోదానికి పెద్దగా ప్రాధాన్యత ఇవ్వరు. అయితే తిమ్మరుసు చిత్రంలో బ్రహ్మాజీ పాత్ర ద్వారా పూర్తి స్థాయిలో వినోదాన్ని పండించారు. సుధాకర్ పాత్రలో బ్రహ్మాజీ కామెడీ పండించారు. అతని ప్రతి పంచ్‌కి థియేటర్స్‌లో రెస్పాన్స్ అదిరిపోయింది. అయితే ఓ సందర్భంలో హీరోతో పాటు బొండం తాగుతూ.. ‘తియ్యగుందీ’ అనే డైలాగ్‌కి థియేటర్స్‌లో ఓ రేంజ్ రెస్పాన్స్ వచ్చింది. ఈ సందర్భంలో నారా లోకేష్ బాబుని గుర్తుచేశారు బ్రహ్మాజీ. గత ఎన్నికల టైంలో గతంలో మంగళగిరి పర్యటనలో ఓ పెద్దావిడ మజ్జిగ ఇవ్వగా.. దాన్ని తాగుతూ.. ‘ఏం వేశావు ఇందులో.. చక్కెరా.. ‘తియ్యగుందీ’ అంటూ తనదైన స్టైల్లో అన్నారు లోకేష్ బాబు. దీంతో పంచదార వేస్తే తియ్యగా ఉండకపోతే ఉప్పగా ఉంటుందా? అని లోకేష్‌ని ఓ రేంజ్‌లో ట్రోల్ చేశాయి వైసీపీ వర్గాలు. దీంతో ఈ డైలాగ్ బాగా పాపులర్ కావడంతో.. రామ్ గోపాల్ వర్మ ‘కమ్మరాజ్యంలో కడప రెడ్లు’ సినిమాలో పెట్టేసి ఓరేంజ్‌లో ఆడుకున్నాడు. ఇప్పుడు తిమ్మరుసు చిత్రంలోకి వచ్చేసింది ఈ ‘తియ్యగుందీ’ అనే డైలాగ్. Read Also: