బండ్లన్న ఇంట్లో పవర్ స్టార్.. అలా బయటపడ్డ ఫోటో.. అదే బండ్ల గణేష్ భక్తి!

ట్వీట్లు, ఆయన వేసే పోస్ట్‌లు, చేసే కామెంట్లు ఎప్పుడూ వైరల్ అవుతూనే ఉంటాయి. మరీ ముఖ్యంగా ఆ పోస్టుల్లో ఉంటే అవి ఇంకా హల్చల్ చేస్తుంటారు. పవర్ స్టార్ ఫ్యాన్స్ సోషల్ మీడియాలో చేసే హంగామా అందరికీ తెలిసిందే. వారెప్పుడూ కూడా బండ్ల గణేష్ ట్వీట్ల మీద ఓ కన్నేసి ఉంచుతారు. అలా బండ్లన్న ట్వీట్ వేయడం ఆలస్యం ఇలా పవర్ స్టార్ ఫ్యాన్స్ దుమ్ములేపేస్తుంటారు. తాజాగా బండ్ల గణేష్ వేసిన ఓ ట్వీట్, షేర్ చేసిన ఫోటో నెట్టింట్లో వైరల్ అవుతోంది. బండ్ల గణేష్ తాజాగా తెలుగు రాష్ట్రాల‌ బ్రిటిష్‌ డిప్యూటీ హైకమిషనర్‌ ఆండ్రూ ఫ్లెమింగ్‌తో సమయం గడిపారు. ఆండ్రూ ఫ్లెమింగ్ బండ్లన్న ఆతిథ్యాన్ని స్వీకరించినట్టున్నారు. సకుటుంబ సపరివారసమేతంగా బండ్ల గణేష్ అతనికి అతిథి మర్యాదలు చేశారు. ఈ క్రమంలో కొన్ని ఫోటోలను బండ్ల గణేష్ షేర్ చేశారు. ఆ ఫోటోల్లో బండ్ల గణేష్ ఇంట్లోని ఓ రూం, ఆ రూంలోని ఓ గోడ, ఆ గోడ మీదున్న ఓ ఫోటో అందరినీ ఆకట్టుకుంది. ఆ రూంలో ఇంకా మరేతర దేవుడి ఫోటోలు గానీ, ఇతర ఫోటోలు గానీ లేవు. గబ్బర్ సింగ్ సమయంలో పవన్ కళ్యాణ్‌తో దిగిన ఫోటోను మాత్రమే గోడకు వేలాడిదీసి ఉంచాడు. అదే భక్తి అంటే అని పవర్ స్టార్ ఫ్యాన్స్ కామెంట్లు చేస్తున్నారు. ప్రస్తుతం బండ్లన్న ఇళ్లు, ఆ రూం, ఆ ఫోటో తెగ వైరల్ అవుతోంది. నెటిజన్ల ట్వీట్ల మీద రిట్వీట్లు కొడుతున్నారు. లైకులతో తెగ హల్చల్ చేస్తున్నారు.