Vignesh Shivan : నయన్‌తో ఎక్కడున్నా సరే.. అంతా బాత్రూంలోనే.. విఘ్నేశ్ శివన్ కామెంట్స్ వైరల్
దర్శకుడిగా, పాటల రచయితగా విఘ్నేశ్ శివన్‌కు ఎంత మంచి పేరు ఉన్నా కూడా ప్రస్తుతం ప్రియుడిగానే అందరూ గుర్తిస్తున్నారు. అని రాసేకంటే.. నయనతార ప్రియుడు అనే సంబోధిస్తుంటారు. అలా నయన్ క్రేజ్ మొత్తం విఘ్నేశ్ శివన్‌ను కమ్మేస్తుంటుంది. అయినా కూడా విఘ్నేశ్ శివన్ తన కంటూ ఓ గుర్తింపును సాధించుకున్నారు. నిర్మాత, దర్శకుడిగా మంచి విజయాలను అందుకున్నారు. మళ్లీ ఇప్పుడు సమంత, నయన తార, విజయ్ సేతుపతి వంటివారితో ప్రయోగం చేసేందుకు రెడీ అవుతున్నారు. అయితే తాజాగా విఘ్నేశ్ శివన్ తన అభిమానులతో ముచ్చట్లు పెట్టేశారు. లైవ్ చాట్‌లోకి రావడంతో ఒక్కొక్కరు ఒక్కో రకమైన ప్రశ్నలు సంధించారు. అయితే వీటిలో చాలా మంది నయనతారకు సంబంధించిన విషయాలనే అడిగేశారు. అందరూ నయనతారకు సంబంధించిన ప్రశ్నలే అడుగుతుంటే మీకు ఎలా అనిపిస్తోంది అని ఓ నెటిజన్ అడిగేశారు. చాలా గొప్పగా ఉందంటూ విఘ్నేశ్ శివన్ సమాధానమిచ్చేశారు. అయితే కొందరు దర్శకులు స్క్రిప్ట్ రాసేందుకు ఎక్కడెక్కడికో వెళ్తుంటారు. పాటలు రాసేందుకు కూడా వారికంటే కొన్ని ప్రదేశాలను ఎంచుకుంటారు. అక్కడికే వెళ్లి రాసుకుంటారు. అలా మీరు ఏ ప్లేస్‌లో ఉండి స్క్రిప్ట్, పాటలు రాసుకుంటారు? అని ఓ నెటిజన్ అడిగారు. అయితే ప్రతీ ఒక్కటీ మొదలయ్యేది బాత్రూంలోనే.. అంతా అక్కడే ప్రారంభం అవుతుందని తన సీక్రెట్ చెప్పారు. తానేమీ బాత్రూం సింగర్‌ను కాదు కానీ బాత్రూం లిరిక్ రైటర్ అని కౌంటర్ కూడా వేశారు. ఇక మీకు ఇష్టమైన ప్రదేశం ఏది? అని మరో నెటిజన్ అడిగాడు. నయనతార ఎక్కడున్నా సరే అది నాకు ఇష్టమైన ప్లేస్ అవుతుందని విఘ్నేశ్ శివన్ చెప్పుకొచ్చారు. అలా నయనతార మీదున్న ప్రేమను విఘ్నేశ్ శివన్ బయటపెట్టేశారు.
Comments
Post a Comment