Shaakuntalam : ఇంకొంత కాలం ఎదురుచూపులు తప్పవు.. ‘శాకుంతలం’పై నీలిమ గుణ కామెంట్
దర్శకుడు గుణ శేఖర్, ఆయన కూతురు కలిసి ఓ అద్బుతాన్ని సృష్టించేందుకు రెడీ అవుతున్నారు. గుణ టీంతో కలిసిన దిల్ రాజు సినిమాను భారీ స్థాయిలో నిర్మించేందుకు సిద్దమయ్యారు. గత రెండు మూడు నెలల క్రితమే గ్రాండ్‌గా పూజా కార్యక్రమాలు నిర్వహించారు. అంతకు ముందు నుంచే ప్రీ ప్రొడక్షన్ పనుల్లో గుణ టీం బిజీగా ఉంది. ఇక సైతం పూర్తి స్క్రిప్ట్‌ను అవపోసన పట్టేశారు. అయితే సమంత, గుణశేఖర్ టీం స్పీడుకు కరోనా అడ్డు కట్టవేసింది. మంచి ఫాంలో ఉండి షూటింగ్ చేస్తోన్న చిత్రయూనిట్‌పై సెకండ్ వేవ్ ప్రభావం చూపించింది. సెకండ్ వేవ్ కారణం సినిమా షూటింగ్‌లన్నీ కూడా వాయిదా పడ్డాయి. అయితే తాజాగా శాకుంతలం సినిమా మీద సమంత అభిమానులు రచ్చ రచ్చ చేస్తున్నారు. సమంత ఫస్ట్ లుక్ కావాలంటూ డిమాండ్ చేస్తున్నారు. ఈ మేరకు గుణ టీంకు రిక్వెస్ట్‌ల మీద రిక్వెస్ట్‌లు పెడుతున్నారు. అయితే దీనిపై నీలిమ గుణ తాజాగా స్పందించారు. అభిమానులను కూల్ చేసేందుకు ప్రయత్నించారు. తాము ఇప్పుడే రెండో షెడ్యూల్‌ను ప్రారంభించాం.. ఇక ఫస్ట్ లుక్ రావాలంటే చాలా సమయం పడుతుందని నీలిమ గుణ చెప్పుకొచ్చారు. ఈ మేరకు ఆమె వేసిన ట్వీట్ వైరల్ అవుతోంది. ‘శాకుంతలం నుంచి సమంత ఫస్ట్ లుక్ ఇవ్వండని చాలా మెసెజ్‌లు వస్తున్నాయ్.. మీరు చూపిస్తున్న ప్రేమకు ధన్యవాదాలు. కానీ మీరు ఇంకొంత కాలం ఎదురుచూడాల్సి వస్తుంది. ఈ రోజే సెకండ్ షెడ్యూల్ మొదలైంది. ఇలానే మాపై ప్రేమను కురిపిస్తూ సపోర్ట్ చేస్తూ ఉండండి’ అని అన్నారు.
Comments
Post a Comment