RRR షూటింగ్‌లో రామ్ చరణ్.. అదిరిపోయే స్టైలీష్ పిక్స్
మెగా పవర్ స్టార్ ప్రస్తుతం షూటింగ్‌లో బిజీగా ఉన్నారు. చాలా రోజుల తరువాత మళ్లీ ఈ మధ్యే షూటింగ్‌ను పున: ప్రారంభించారు. ఇప్పటికే షూటింగ్ పూర్తి చేసుకోవాల్సిన టీం.. సెకండ్ వేవ్ వల్ల ఎన్నో తిప్పలు పడింది. మధ్యలో నటీనటులు, దర్శకుడికి కూడా కరోనా సోకింది. అలా సినిమా షూటింగ్ పలుమార్లు వాయిదా పడింది. అలా ఎప్పటికప్పుడు ఆర్ఆర్ఆర్ విషయంలో ఎదురుదెబ్బలు తగులుతూనే ఉన్నాయి.అయినా కూడా ఆర్ఆర్ఆర్ మీదున్న అంచనాలేమీ తగ్గడం లేదు. ఇప్పటికే సినిమాకు సంబంధించిన బిజినెస్ అంతా పూర్తయింది. శాటిలైట్, డిజిటల్ రైట్స్‌కు సంబంధించిన వ్యవహారాలన్ని కూడా పూర్తయ్యాయి. దాదాపు 350 కోట్లకు పైగా అమ్ముడుపోయాయనే టాక్ వినిపిస్తోంది. అలా సినిమా షూటింగ్ పూర్తి కాకముందే బడ్జెట్‌ను రికవరీ చేసినట్టైంది. అలా ఆర్ఆర్ఆర్ సినిమా విడుదలకు ముందే ఎన్నోరికార్డులను బద్దలు కొట్టేస్తోంది. అయితే గత వారంలోనే ఆర్ఆర్ఆర్ షూటింగ్ మళ్లీ మొదలైంది. ఈక్రమంలో రామ్ చరణ్ సెట్స్ మీదకు వెళ్లారు. దాని కోసం ముంబై నుంచి స్పెషల్‌గా హెయిర్ స్టైలీష్ట్‌ను తీసుకొచ్చారు. మొత్తానికి అల్లూరి సీతారామరాజుగా రామ్ చరణ్ మారిపోయి.. సెట్స్ మీదకు అడుగుపెట్టేశారు. అయితే తాజాగా రామ్ చరణ్‌కు సంబంధించిన ఫోటోలు బయటకు వచ్చాయి.అందులో ఓ బుడ్డోడితో రామ్ చరణ్ ముచ్చట్లు పెడుతున్నారు. ఎంతో క్లాస్ అండ్ స్టైలీష్‌గా ఉన్న రామ్ చరణ్‌ను చూసి అభిమానులు మురిసిపోతోన్నారు. ప్రస్తుతం ఈ ఫోటోలు ట్విట్టర్‌లో నేషనల్ వైడ్‌గా ట్రెండ్ అవుతున్నాయి.
Comments
Post a Comment