Prakash Raj: ప్రకాష్ రాజ్, నాగబాబులను ఏకిపారేసిన కోటా.. ‘MAA’ ఎన్నికల్ని అనౌన్స్ చేయాల్సిందెవరు?

మా ఎన్నికలు గురించి మాట్లాడటానికి నాగబాబుకి ఏం అవసరం ఉందని ప్రశ్నించారు సీనియర్ నటుడు కోటాశ్రీనివాసరావు. మా ఎన్నికల నేపథ్యంలో ప్రకాష్ రాజ్‌కి కొందమంది సీనియర్ నటులు సపోర్ట్ చేస్తూ ప్యానర్ ప్రకటించడాన్ని తప్పుబట్టారు కోటా. ఈ ఇష్యూపై ఆయన మాట్లాడుతూ.. ప్రకాష్ రాజ్ మంచి నటుడై ఉంటే ఉండుగాక.. ఎన్నికల టైం వచ్చినప్పుడు దాని గురించి మాట్లాడాలి తప్పితే.. మా ఎన్నికల్ని ఎవరు ప్రకటించారు? ఇప్పుడున్న కమిటీ ప్రకటించకుండా వీళ్లు హడావిడి ఏంటి? ఈ ఇష్యూలో నాగబాబు ఎందుకు హడావిడి చేస్తున్నారు.. ఆయనకు ఎందుకు ఈ ఇష్యూ.. మరి చిరంజీవి గారు మద్దతు ఇచ్చారో లేదో నాకు తెలియదు కానీ.. ప్రకాష్ రాజ్ గారు మాత్రం నాకు చిరంజీవి గారి మద్దతు ఉంది అని చెప్తారు. మద్దతు ఉంటే ఉండొచ్చు కానీ.. దీనిపై నాగబాబు ఎందుకు మాట్లాడుతున్నారో చెప్పాలి. ప్రకాష్ రాజ్ అనే కాదు.. మిగిలిన వాళ్లు కూడా ఎందుకు మాట్లాడుతున్నారు. నేను కూడా దీనిపై మాట్లాడకూడదనే అనుకున్నా.. కానీ ఈ కరోనా టైంలో ఈ గోల ఎందుకు పెడుతున్నారనేదే నా బాధ. ఎన్నికలు అంటూ ప్రకటనలు ఇచ్చిన ప్రకాష్ రాజ్ గారికి ఈ మాత్రం తెలియదా? జయసుధ సపోర్ట్ చేసిందని ప్రకాష్ రాజ్ అంటున్నారు..? ఆమెకు ఫోన్ చేసి నేను అడిగాను.. మీ మద్దతు కోరినప్పుడు తరువాత చూద్దాం అని చెప్పలేకపోయారా? అని.. అలాగే సాయి కుమార్ సపోర్ట్ చేస్తున్నాడని ప్రకాష్ రాజ్ అంటున్నారు. అసలు సాయి కుమార్ బీజేపీ తరుపున ఎన్నికల్లో పోటీ చేసిన వ్యక్తి.. ప్రకాష్ రాజ్ బీజేపీ వ్యతిరేకి. అలాంటిది ప్రకాష్ రాజ్‌ని ఎలా సపోర్ట్ చేస్తారు? నేను ఎందుకు అడుగుతున్నానంటే నేను ఎప్పటి నుంచో బీజేపీ పార్టీలో కొనసాగుతున్నా కాబట్టి అంటూ కీలక వ్యాఖ్యలు చేశారు కోటా శ్రీనివాసరావు.