నీలాంటి దాన్ని పెళ్లి చేసుకోవాలంటే ఉండాల్సిదేంటి?.. నెటిజన్ ప్రశ్నకు రష్మిక క్యూట్ రిప్లై

నేషనల్ క్రష్ సోషల్ మీడియాలో చేసే అల్లరి మామూలుగా ఉండదు. చిన్న పిల్లలా ఆమె చేసే చేష్టలు, పెట్టే క్యూట్ ఎక్స్ ప్రెషన్స్‌‌‌కు అందరూ ఫిదా అవుతుంటారు. అలా చేసే అల్లరికి ఎంతో మంది అభిమానులున్నారు.అందుకే సోషల్ మీడియాలో రష్మికకు అంతటి అభిమాన గణం ఉంది. అయితే తాజాగా రష్మిక తన అభిమానులతో కాసేపు ముచ్చట్లు పెట్టారు. ఈ క్రమంలో రష్మిక తన అభిమానులు అడిగిన ప్రశ్నలకు సమాధానాలు ఇచ్చారు. ఇందులో ఎక్కువగా ప్రపోజల్స్ రావడం, ఫ్లర్టింగ్ కామెంట్లు రావడంతో రష్మిక ఉక్కిరి బిక్కిరి అయిపోయారు. ఒక్క బాలీవుడ్ సినిమాలో నటించకపోయినా కూడా రష్మికకు జాతీయ స్థాయిలో పేరు వచ్చింది. గీత గోవిందం, డియర్ కామ్రేడ్ సినిమాలతో ఉత్తరాదిన కూడా రష్మిక తన మార్క్ వేశారు.అలా మొత్తానికి నేషనల్ క్రష్ అనిపించుకుంటున్నారు. దానికి తగ్గట్టే ఆమె చేసే అల్లరికి తోడవుతుంటుంది. సోషల్ మీడియాలో రష్మిక రచ్చ వేరే లెవెల్‌లో ఉంటుంది. అయితే తాజాగా రష్మిక మందన్నా తన అభిమానులకు బంపర్ ఆఫర్ ఇచ్చారు. ఏదైనా అడగండి.. ఆన్సర్ చెబుతాను అని చిట్ చాట్ చేయడం మొదలుపెట్టేశారు. అందులో ఓ నెటిజన్.. నన్ను పెళ్లి చేసుకో అని నేరుగా అడిగేశారు. దానికి రష్మిక తెలివిగా సమాధానం ఇచ్చారు. కనీసం ప్రపోజల్ అయినా కూడా మంచిగా చేయొచ్చు కదా? అని మూతి వయ్యారంగా తిప్పుకున్నారు. ఇక మరో నెటిజన్ ఇంకాస్త ముందుకు అడుగు వేశారు. నీలాంటి దాన్ని పెళ్లి చేసుకోవాలంటే ఉండాల్సిందేమిటి? అని అడిగేశాడు. దానికి రష్మిక ఓ లిస్ట్ చెప్పేశారు. నైస్, క్యూట్, లో మెయింటెన్స్ అయి ఉండాలని చెప్పుకొచ్చారు. మొత్తానికి రష్మికకు ఎలాంటి వాడు కావాలో చెప్పకనే చెప్పేశారు.