Anushka : కనెక్ట్ అయి ఉండండి.. అవన్నీ కనుమరుగవుతున్నాయ్.. అనుష్క శెట్టి పోస్ట్ వైరల్
స్వీటీ ఎంత మృధుస్వభావం కలదో అందరికీ తెలిసిందే. ఎక్కడా కూడా కాంట్రవర్సీలంటూ ఉండవు. తనకు ఉన్న స్టార్డంను కూడా ఉపయోగించుకోదు. ఎంతో సింపుల్‌గా జీవితాన్ని గడిపేస్తుంటారు. ఎక్కడికైనా వెళ్లినా సరే తన వీఐపీ స్టేటస్‌ను ఉపయోగించుకోరు. అలా ప్రవర్తన, స్వభావం, మంచిదనానికి ఎంతో మంది అభిమానులున్నారు. తెరపై ఆమె నటనను చూసి అభిమానించే వారి కంటే రియల్ లైఫ్‌లోని ఆమెను చూసి ఆరాధించే వారే ఎక్కువ ఉంటారు. సోషల్ మీడియాలోనూ అనుష్క హద్దుల్లోనే ఉంటారు. అవసరం మేరకు అనుష్క స్పందిస్తుంటారు. మంచి మాటలనే చెబుతూ అందరిలోనూ స్ఫూర్తి నింపుతుంటారు. తాజాగా ఆమె చేసిన ఓ పోస్ట్ అందరిలోనూ ఆలోచనలు రేకెత్తిస్తోంది. ‘అందరూ ప్రేమగా ఉండండి. మీరు వారిని ఎంతగా ప్రేమిస్తున్నారో చెప్పండి.. ఏమని ఫీల్ అవుతున్నారో తెలపండి. అతిగా స్పందిస్తున్నారని మీరేమీ బాధపడకండి.. అలా ఎక్కువగా చూపించండి. ఎక్కవ జాగ్రత్తగా చూసుకోండి. ప్రపంచంలో ఇంకా మంచిదనం ఉందని నిరూపించండి. మీరు ఫీల్ అయ్యేదాన్ని చెప్పేందుకు భయపడకండి. ప్రతీ విరహంలోనూ మంచిని, బ్యూటీని వెతకండి. ముందుకు వెళ్లేందుకు ప్రయత్నించండి. గతంలో జరిగిన దాని గురించి తలుచుకుంటూ బాధపడకండి.. కొత్త ఆరంభాలను స్వాగతించండి.. మీ స్నేహితుడిని ప్రేమగా హత్తుకోండి.. ప్రేమగా నుదుటి మీద ముద్దు పెట్టుకోండి.. బిగ్గరగా నవ్వండి.. ఎక్కువగా ఆశలు పెట్టుకోండి.. ఎక్కువగా బతికేందుకు ప్రయత్నించండి.. మీతో మీరు ఎక్కువగా గడపండి.. మీ బాధలను పొగొట్టేవారితో ఉండండి.. మీతో మీరు ప్రతీ అంశంతో కనెక్ట్ అయి ఉండండి.. బాధలను పోగొట్టే ప్రతీ అంశంతో కనెక్ట్ అవ్వండి.. మిమ్మల్ని ఎక్కువగా ఫీల్ అయ్యేలా చేసే వారితో కనెక్ట్ అవ్వండి.. కన్నీళ్లు తెప్పించే మూమెంట్స్‌తో కనెక్ట్ అవ్వండి.. మీలో ఎనర్జీ నింపి మీ చేతులు కాళ్లు కదిపేలా చేసే అంశాలను తలచుకుని మీ లైఫ్ ఎంత బాగుందో గుర్తు చేసుకోండి. దయచేసి కనెక్ట్ అయి ఉండండి.. ప్రపంచంలో అందమైనవన్నీ కూడా మాయమైపోతోన్నాయి.. మీ హృదయం కూడా అందులో ఓ భాగం అవ్వకుండా చూసుకోండ’ని చెప్పుకొచ్చారు.
Comments
Post a Comment