RAPO రేంజ్ ఇదే.. దూసుకుపోతోన్న ‘ఇస్మార్ట్’ హీరో
సినిమాతో కెరీర్ ఒక్కసారిగా పరుగులుపెట్టేసింది. అంతకు ముందు వరుసగా యావరేజ్, ఫ్లాపు సినిమాలు ఇచ్చిన రామ్.. ఒక్కసారిగా మాస్ విశ్వరూపాన్ని చూపించారు. పూరి జగన్నాథ్ కూడా చాలా రోజుల తరువాత ఎంతో కసిగా ఇస్మార్ట్ శంకర్‌ను మలిచినట్టు కనిపించారు. ఇస్మార్ట్ శంకర్ దెబ్బకు అటు హీరో,ఇటు డైరెక్టర్ ఇద్దరి కెరీర్‌లు జెట్ స్పీడ్‌లో దూసుకుపోయాయ్. ఇస్మార్ట్ శంకర్ వచ్చి రెండేళ్లు దాటినా కూడా దాని ఫీవర్ మాత్రం ఇంకా తగ్గడం లేదు. ఇస్మార్ట్ శంకర్ టాలీవుడ్ బాక్సాఫీస్‌ను షేక్ చేసింది. చాలా రోజుల తరువాత మణిశర్మ సంగీతాన్ని తెలుగు ప్రేక్షకులు ఫిదా అయ్యారు. అలా అన్ని కోణాల్లోంచి ఇస్మార్ట్ శంకర్ భారీగా క్లిక్ అయింది. అంతేకాకుండా ఇక మన తెలుగు సినిమాలకు ఉత్తరాదిన ఎంతటి డిమాండ్ ఉందో అందరికీ తెలిసిందే. రామ్, బెల్లంకొండ శ్రీనివాస్, అల్లు అర్జున్ సినిమాలు హిందీలో రికార్డు స్థాయిలో వ్యూస్‌ను క్రియేట్ చేస్తుంటాయి. తెలుగు సినిమా హిందీ డబ్బింగ్ వర్షెన్‌లు యూట్యూబ్‌లో వందల మిలియన్ల వ్యూస్ కొల్లగొడుతుంటాయి. అలా రామ్ నటించిన చిత్రాలు డబ్బింగ్ రూపంలో దుమ్ములేపుతుంటాయి. హలో గురు ప్రేమకోసమే, ఉన్నది ఒకటే జిందగీ, గణేష్ ఇలాంటి సినిమాలు యూట్యూబ్‌లో దుమ్ములేపేశాయి. ఇక ఇప్పుడు ఇస్మార్ట్ శంకర్ కొత్త రికార్డులను క్రియేట్ చేస్తోంది. రెండు వందల మిలియన్లు (20 కోట్ల) వ్యూస్‌ను రాబట్టి సరికొత్త రికార్డును క్రియేట్ చేసింది. అంతేకాకుండా దాదాపు రెండు మిలియన్ల లైకులను కూడా సొంతం చేసుకుంది. మొత్తానికి ఇస్మార్ట్ శంకర్ హవా ఇంకా కొనసాగుతూనే ఉందని చెప్పడానికి ఇదో ఉదాహరణ.
Comments
Post a Comment