ఇది మామూలు ప్రమోషన్స్ కాదు.. హీరోయిన్‌తో అల్లు శిరీష్ ఘాటు రొమాన్స్
ఒక్క హిట్ కోసం చాలా ఏళ్ల నుంచి శ్రమిస్తూనే ఉన్నారు. కెరీర్ ప్రారంభం నుంచీ కూడా విజయం కోసం పరితపిస్తూనే ఉన్నారు. ఇప్పటి వరకు ఆయన ఖాతాలో ఒక్కటంటే ఒక్క బ్లాక్ బస్టర్ హిట్ పడలేదు. కొత్తజంట, శ్రీరస్తు శుభమస్తు వంటి ఓ మోస్తరు సినిమాలున్నా కూడా సరైన విజయం మాత్రం దక్కలేదు. అలా అల్లు శిరీష్ ఓ సరైన సినిమా పడాలని ఎంతగానో ఎదురుచూస్తున్నారు. అలాంటి అల్లు శిరీష్ ఎదురుచూపులు ఫలించేలానే ఉన్నాయి. అల్లు శిరీష్ చివరగా ఏబీసీడీ అంటూ మళయాలీ రీమేక్‌తో చేతులు కాల్చుకున్నారు. అయితే ఈ సారి మాత్రం మోస్ట్ రొమాంటిక్ బాయ్‌గా అలరించేందుకు రెడీ అయినట్టు కనిపిస్తోంది. అను ఇమాన్యుయేల్‌తో కలిసి అల్లు శిరీష్ ఓ రేంజ్ రొమాన్స్ చేసినట్టు పోస్టర్లను బట్టి చూస్తేనే తెలుస్తోంది. ఆన్ స్క్రీన్ కెమిస్ట్రీ ఇలా వర్కవుట్ అయింది కాబట్టే.. ఆఫ్ స్క్రీన్‌లో ఈ ఇద్దరూ రెచ్చిపోతోన్నట్టు తెలుస్తోంది. అల్లు శిరీష్‌ల మీద ఎన్ని రకాల రూమర్లు వచ్చాయో అందరికీ తెలిసిందే. వారిద్దరూ ఎంతో సన్నిహితంగా ఉన్న ఫోటోలు, వీడియోలు బయటకు రావడంతో అందరూ రకరకాలుగా మాట్లాడుకున్నారు. కానీ అదంతా సినిమాలోని కెమిస్ట్రీ కుదిరేందుకే అని ఇప్పుడిప్పుడే అర్థమవుతోంది. అల్లు శిరీష్ ఆరో సినిమాకు సంబంధించిన ప్రమోషన్స్ ఆల్రెడీ మొదలయ్యాయి. రేపు రాబోతోన్న టైటిల్ అండ్ ఫస్ట్ లుక్ మీద మంచి బజ్ ఏర్పడేలా ప్రీ లుక్‌లను వదులుతున్నారు. ఇందులో భాగంగా మొన్న చేతులు అడ్డం పెట్టి ఉన్న ఫోటోను షేర్ చేశారు. ఇక ఇప్పుడు బెడ్ మీద ఇద్దరూ కలిసి రొమాన్స్ చేస్తోన్న పోస్టర్‌ను వదిలారు. మొత్తానికి రేపు ఉదయం 11 గంటలకు రాబోయే టైటిల్ పోస్టర్ మీద అందరికీ ఆసక్తిని కలిగించేలా చేశారు.
Comments
Post a Comment