నా దగ్గరి నుంచి అన్నీ లాగేసుకున్నావ్.. అక్కడ వాడేసుకున్నావ్.. కాపీ మాస్టర్ అంటూ శివాలెత్తిన పూనమ్ కౌర్

ఎప్పుడు ఎవరి మీద కామెంట్లు చేస్తుంటారో చెప్పడం కష్టం. ఆమె వేసిన ట్వీట్లు ప్రత్యేకించి ఒకరిని ఉద్దేశించి చెప్పలేం. కానీ అవి ఎవరిని ఉద్దేశించి చేసిన కామెంట్లో పరోక్షంగా అందరికీ అర్థమవుతుంటాయి. కొన్ని సార్లు అయితే తలా తోకా లేకుండా ట్వీట్లు వేస్తుంటారు. అలాంటి సమయంలో నెటిజన్లు అందరూ కూడా తలలు పట్టుకుంటారు. పజిల్ లాంటి ఆ పోస్ట్‌ ఎవరి గురించా? అని అందరూ జుట్టు పీక్కుంటారు. తాజాగా పూనమ్ కౌర్ వేసిన ఓ ట్వీట్ అందరిలోనూ కన్ఫ్యూజన్‌ను క్రియేట్ చేసింది. అలా ప్రతీసారి పూనమ్ కౌర్ వేసే ట్వీట్లలో పవన్ కళ్యాణ్, రెఫరెన్స్ ఉంటుందని అందరూ అనుకుంటారు. తాజాగా వేసిన ట్వీట్‌లోనూ ఆ ఛాయలు కనిపిస్తున్నాయి. గతంలో అయితే స్టార్ డైరెక్టర్, గురూజీ అంటూ నేరుగా అడ్రస్ చేసేశారు. కానీ ఈ సారి మాత్రం పూనమ్ కౌర్ ఎక్కడా కూడా సరైన హింట్ ఇవ్వలేదు. కానీ పదే పదే కాపీ అంటూ ఆ పదాన్ని వాడేశారు. అలా కాపీ అనే పదాన్ని ఎక్కువగా వాడటంతో అది త్రివిక్రమ్ గురించి అయి ఉంటుందని నెటిజన్లు అభిప్రాయ పడుతున్నారు. అయితే అది త్రివిక్రమ్ గురించా? లేదా? మరెవరి గురించో అని ఒక్క పూనమ్ కౌర్‌కే తెలియాలి. అయితే పూనమ్ వేసిన ట్వీట్ సారాంశం ఏంటో ఓ సారి చూద్దాం. ఐడియాలను కాపీ చేస్తారు.. మరో వ్యక్తికి వ్యక్తిత్వాన్ని ఇమేజ్‌ను క్రియేట్ చేస్తుంటారు.. అతను నా డ్రీమ్స్ కాదు కానీ నా ఐడియాలను లాగేసుకున్నాడు.. వేరే వాళ్లకి ఇచ్చాడు.. నిన్ను క్షమించలేకపోతోన్నా కాపీ మాస్టర్.. అదేంతో కష్టమైన పని.. నువ్ అన్నింటిని కాపీ చేశావ్.. ఐడియాలు, లైఫ్ స్టైల్ అన్నింటిని కాపీ చేశావ్.. నీకు ఎక్కడైతే లాభం వస్తుందో అక్కడ వాడేసుకున్నావ్.. అని పూనమ్ కౌర్ ఆగ్రహం వ్యక్తం చేశారు. అయితే పూనమ్ కౌర్ పెట్టిన ట్వీట్ కింద అందరూ కామెంట్లు చేస్తున్నారు. అందులో ఎక్కువ మంది త్రివిక్రమ్ అంటూ ఇంకొందరు పవన్ కళ్యాణ్ అని రిప్లై ఇస్తున్నారు. అయితే గతంలోనూ పూనమ్ కౌర్ ఓ సారి మీడియాతో మాట్లాడుతూ పెద్ద డైరెక్టర్ అని ఓ విషయాన్ని చెప్పుకొచ్చారు. చచ్చిపో అన్నాడు.. ఒక్కరోజు కూడా బాధపడను అని అన్నాడంటూ తన డిప్రెషన్‌లో ఉన్న రోజుల గురించి పూనమ్ కౌర్ చెప్పుకొచ్చారు. అలా మొత్తానికి ఇప్పుడు ఈ కాపీ మాస్టర్ ఎవరా? అని అందరూ జుట్టు పీక్కుంటున్నారు.