బాహుబలికి అయ్యలా ఫీల్ అవుతున్నాడు.. ఆ అధికారిపై ఆర్జీవీ కామెంట్స్ వైరల్

రామ్ గోపాల్ ఎప్పుడు ఎవరి మీద పడతాడో ఎవ్వరికీ తెలియదు. గత కొన్ని రోజులుగా వరుస ట్వీట్లతో హల్చల్ చేస్తున్నారు. ఇండియా, కరోనా, ప్రధాని మోదీ, ప్రపంచ దేశాలు అంటూ అన్ని టాపిక్స్ మీదా కామెంట్లు చేస్తున్నారు. అయితే వర్మ సంధించే ప్రశ్నలు అందరిలోనూ ఆలోచనలు రేకెత్తిస్తున్నాయి. ప్రధాని మోదీపై విమర్శించేలా చేస్తోన్న ఈ ట్వీట్లు కాంట్రవర్సీకి కేరాఫ్ అడ్రస్ అవుతున్నాయి. అయితే ఇప్పుడు దేశం ఎలాంటి పరిస్థితిలో ఉందో ప్రత్యేకంగా చెప్పనక్కర్లేదు. కరోనా ధాటికి అతలాకుతలం అవుతోంది. సరైన వైద్యం అందక, ఆస్పత్రిలో సౌకర్యాలు లేక, ఆక్సిజన్ కొరతతో ఎంతో మంది ప్రాణాలు వదులుతున్నారు. శవాలను కాల్చడానికి కూడా క్యూలో నిలబడాల్సిన పరిస్థితి వచ్చింది. కరోనాతో ఎన్నో శవాలు దిక్కులేనివిగా అలా పడి ఉన్నాయి. వాటన్నంటిపైనా ఆర్జీవీ తన స్టైల్లో స్పందించారు. ఇక ఢిల్లీలో ఆక్సిజన్ కొరతపై ఓ వీడియోను షేర్ చేశారు.అందులో భయంకరమైన దృశ్యాలున్నాయి. రోడ్డు మీదే ఆటో, కారులో ఇలా ఎక్కడబడితే అక్కడ ఆక్సిజన్ సిలిండర్ పెట్టుకుని తమ ప్రాణాలను కాపాడుకుంటున్నారు. ఇంతకంటే ఘోరమైన సన్నివేశాలను ఏ దర్శకుడైనా తెరకెక్కించగలరా? అని ఆర్జీవీ ప్రశ్నించారు. ఇక రెండు మూడు రోజుల నుంచి ఓ వీడియో వైరల్ కాసాగింది. కర్ఫ్యూ ఉందని తెలిసినా కూడా.. రాత్రి పది గంటల తరువాత అట్టహాసంగా పెళ్లి జరుపుకుంటున్న ఫంక్షన్ హాల్ దగ్గరికి పోలీస్ అధికారి వెళ్లి తన జులుం విదిచ్చాడు. పెళ్లి కొడుకుపై చేయి చేసుకున్నాడు. అడ్డు వచ్చిన వాళ్లని పక్కకి నెట్టేశారు. అనుమతి పత్రాన్ని చించి అవతల పారేశాడు. పెళ్లికి పర్మిషన్ ఇచ్చారు కానీ రాత్రి పది గంటల తరువాత కాదు.. కర్ఫ్యూ ఉందని తెలీదా? అని ఊగిపోయాడు. ఆ అధికారి చేసిన దౌర్జన్యం ఇప్పుడు సోషల్ మీడియాలో వైరల్ అవుతోంది. దీనిపై ఆర్జీవీ స్పందించాడు. ఇదే పని.. ఆక్సిజన్ కొరత రావడానికి కారణమైన వారిపై చేయగలడా? వైద్య సదుపాయాలు కల్పించలేని వారిపై చేయగలడా? అని ప్రశ్నించారు. ప్రభుత్వ అధికారి అంటే ప్రజలకు సేవ చేయాలి గానీ ఇలా.. ఈ మనిషిలా రజినీకాంత్ అమ్మలా.. బాహుబలి అయ్యలా విర్రవీగకూడదు అని కౌంటర్ వేశారు. ఇక ఆ కొత్తజంటకు తమకు జరిగిన ఈ అవమానంతో జీవితాంతం ఈ రోజు గుర్తుండిపోతుంది అని ఇలా వరుసగా ఆర్జీవీ ట్వీట్లు పెట్టేశారు.