చెత్త రాజకీయాల్లో జరిగేది అదే.. వాళ్లే రియల్ హీరోలు.. మళ్లీ గెలికిన పూనమ్ కౌర్

వేసే ట్వీట్లు ఒక్కోసారి అందరి దృష్టిని ఆకర్షిస్తుంటాయి. అలా ఆమె వేసే ట్వీట్లో ఎన్నో అర్థాలు నిగూఢంగా దాగి ఉంటాయి. ఎవరిని ఉద్దేశించి మాట్లాడుతుందో కూడా ఒక్కోసారి చెప్పలేని పరిస్థితి ఏర్పడుతుంది. ఆమె వేసే పరోక్ష ట్వీట్లు అందరినీ ఆలోచించేలా చేస్తుంటాయి. ఆమె కేవలం వ్యక్తిగత విషయాల గురించే కాకుండా సమాజం, రాజకీయ వ్యవస్థ మీదా కామెంట్లు చేస్తుంటారు. తాజాగా పూనమ్ ప్రస్తుత పరిస్థితిపై కౌంటర్లు వేశారు. ప్రస్తుతం మన దేశం ఎలాంటి పరిస్థితుల్లో ఉందో ప్రత్యేకంగా చెప్పనక్కర్లేదు. ఎటూ చూసినా చావుకేకలు వినిపిస్తున్నాయి. కరోనా ధాటికి ప్రజలు అల్లాడిపోతోన్నారు. వైద్య సదుపాయాలు లేక, ఆక్సిజన్ కొరతతో ఎంతో మంది ప్రాణాలు వదిలేస్తున్నారు. అయితే ఈ సమయంలోనూ రాజకీయాలు చేసేవారున్నారు. ప్రభుత్వ పాలక, ప్రతిపక్షాలు ఒకరి మీద ఒకరు కామెంట్లు చేసుకుంటూనే ఉన్నారు. అయితే తాజాగా పూనమ్ కౌర్ ప్రస్తుత పరిస్థితి, రాజకీయ నాయకులు చేసే పనుల గురించి కామెంట్ చేశారు. కొందరు బాధపడుతూ ఉంటే.. వాటి వల్ల ఇంకొందరు సుఖపడుతున్నారు.. కానీ బాధపడేవారి స్థితి గురించి ఎవ్వరూ పట్టించుకోవడం లేదు. ఇలాంటి చెత్త రాజకీయాల్లో అలానే ఉంటుంది.. ఒకరి కష్టం మరొకరికి సుఖంగా మారుతుంది.. కానీ ఎవ్వరైతే సేవలు చేస్తున్నారో వారు సెలైంట్‌గా చేసేస్తున్నారు.. వారే నిజమైన హీరోలు అని పూనమ్ కౌర్ చెప్పుకొచ్చారు. అయితే ఎందుకు ఎవరిని టార్గెట్ చేశారో.. ఎవరిని పొగిడారో స్పష్టంగా తెలియడం లేదు. నిన్న కూడా పూనమ్ కౌర్ ఇలాంటి ఓ ట్వీటే వేశారు. కాపీ మాస్టర్ అంటూ తెగ ఊగిపోయారు. అన్ని కాపీ చేస్తారు.. మీకు ఉపయోగపడేలా మార్చుకుంటారు.. అని కాపీ మాస్టర్ అంటూ పూనమ్ కౌర్ ఆగ్రహం వ్యక్తం చేశారు.