మంచు విష్ణు కుటుంబంలో చిచ్చుపెట్టిన ఐపీఎల్.. ‘ఎవరైన సహాయం చేయండి’ అంటూ ట్వీట్

భారత్‌లో క్రికెట్‌కి ఉండే క్రేజ్ గురించి ప్రత్యేకంగా చెప్పాల్సిన అవసరం లేదు. క్రికెట్ మ్యాచ్ ఉందంటే చాలా పనులన్ని మానుకొని టీవీలకు అతుక్కుపోతుంటారు. ఇక ఇండియన్ ప్రీమియర్ లీగ్ ప్రారంభం అయిన తర్వాత ఈ క్రేజ్ మరో లెవల్‌కి వెళ్లిపోయింది. ఇతర క్రికెట్ లీగ్‌లతో పోల్చుకుంటే.. ఐపీఎల్‌కి ఉండే ఫ్యాన్ బేస్ చాలా ఎక్కువ. ప్రపంచవ్యాప్తంగా ఈ లీగ్‌ ఎప్పుడు ప్రారంభం అవుతుందా.. ఎవరు గెలుస్తారా.. అంటూ అభిమానులు ఎదురుచూస్తుంటారు. ఇక ప్రస్తుతం కరోనా కారణంగా ఏర్పడిన తీవ్ర సంక్షోభంలో ఐపీఎల్ కాస్త ఉపశమనాన్ని ఇస్తుంది. గత ఏడాది కరోనా వ్యాప్తిని దృష్టిలో పెట్టుకొని ఐపీఎల్‌ను దుబాయ్‌లో నిర్వహించారు. అయితే పరిస్థితులు కాస్త మెరుగుకావడంతో ఈసారి భారత్‌లోనే మ్యాచులు జరుపుతున్నారు. పూర్తిస్థాయి కట్టుదిట్టమైన భద్రత మధ్యలో.. కరోనా నిబంధనలు పాటిస్తూ స్టేడియంలో అభిమానులు లేకుండానే మ్యాచులు నిర్వహిస్తున్నారు. అయితే ఈ ఐపీఎల్ కారణంగా హీరో ఇంట్లో గొడవలు జరుగుతున్నాయట. ఐపీఎల్ జరిగే సమయంలో తమ అభిమాన ఆటగాడు గొప్ప అంటూ.. ఇతర క్రికెటర్లను ట్రోల్ చేస్తుంటారు అభిమానులు. ముఖ్యంగా ధోనీ, కోహ్లీ అభిమానుల మధ్య తరచూ ఈ యుద్ధం జరుగుతుంటుంది. ఇప్పుడు ఇదే యుద్ధం మంచు విష్ణు ఇంట్లోనూ జరుగుతోందట. మంచు విష్ణు ఇద్దరు కూతుళ్లు అరియానా, వివియానా ఐపీఎల్ గురించి ఫైట్ చేస్తున్నారట. ‘అరియానా ధోనీకి అభిమాని, వివియానా కోహ్లీకి అభిమాని. వాళ్లిద్దరిలో ఎవరు ఉత్తమ ఆటగాడు అని ఇక్కడ వీళ్లిద్దరు గొడవపడుతున్నారు. ఈ గొడవ అసలు వేరే లెవల్‌లో ఉంది. దయచేసి ఎవరైన సహాయం చేయండి’ అంటూ మంచు విష్ణు ట్వీట్ చేశాడు. ప్రస్తుతం ఈ ట్వీట్ సోషల్‌మీడియాలో వైరల్ అవుతోంది. అభిమానులు దీనిపై రకరకాల కామెంట్లు పెడుతున్నారు. తాజాగా మంచు విష్ణు ‘మోసగాళ్లు’ అనే సినిమాతో ప్రేక్షకుల ముందుకు వచ్చాడు. కాజల్ అగర్వాల్ ఇందులో కథానాయిక. భారీ బడ్జెట్‌తో రూపొందిన ఈ చిత్రం బాక్సాఫీస్ వద్ద బోల్తా పడింది. ప్రస్తుతం మంచు విష్ణు.. శ్రీను వైట్ల దర్శకత్వంలో తన సూపర్ హిట్ సినిమా ‘ఢీ’ సీక్వెల్‌గా తెరకెక్కుతున్న ‘డబుల్ డోస్’ సినిమాలో నటిస్తున్నాడు.