బస్తీ బాయ్స్ కోసం అదిరిపోయే ప్లాన్.. ఐ ఫోన్‌తో వారికి గాలమేస్తోన్న నాగబాబు
మెగా బ్రదర్ సోషల్ మీడియాలో ఎంత యాక్టివ్‌గా ఉంటారో అందరికీ తెలిసిందే. మరీ ముఖ్యంగా ఈ మధ్య తన ఫోకస్ అంతా కూడా యూట్యూబ్ మీదే పెట్టేశారు. ఇన్ స్టాగ్రాంలో నిత్యం తన ఫాలోవర్లతో టచ్‌లో ఉంటుంటారు. ఈ మధ్యే అంటూ నాగబాబు యూట్యూబ్‌లో హల్చల్ చేస్తున్నారు. చాలా గ్యాప్ తరువాత నాగబాబు నిర్మాణ రంగంలోకి మళ్లీ వచ్చారు. అదిరింది షోలో చేసిన కమెడియన్స్‌తో నాగబాబు ప్రయోగం చేసేందుకు ముందుకు వచ్చారు. జాతిరత్నాలు టైపులోనే సద్దాంను మెయిన్ లీడ్‌గా పెట్టి బస్తీ బాయ్స్ అంటూ వెబ్ సిరీస్ ప్లాన్ చేశారు. ఈ క్రమంలో మొదటి ఎపిసోడ్ విడుదలైంది. రెండ్రోజుల క్రితం విడుదలైన మొదటి ఎపిసోడ్ ఇప్పటికీ యూట్యూబ్‌లో ట్రెండ్ అవుతూనే ఉంది. వన్ మిలియన్ వ్యూస్ క్రాస్ చేయడం, ఇంకా ట్రెండింగ్‌లోనే ఉండటం, తన యూట్యూబ్ చానెల్ సబ్ స్క్రైబర్స్ 500k దాటిపోవడంతో ఫుల్ సెలెబ్రేషన్స్ చేసుకున్నారు. అయితే బస్తీ బాయ్స్‌ను ఇంకా ప్రమోట్ చేసేందుకు నాగబాబు మరింత యాక్టివ్ అయ్యారు. ఈ మేరకు మీమర్స్ సాయం తీసుకునేందుకు భారీ ప్లాన్ వేశారు. నాగబాబుకు మీమ్స్ అన్నా, మీమ్స్ వేసేవాళ్లన్నా ఎంతో ఇష్టం. ఇది వరకే మీమర్స్‌తో నాగబాబు స్పెషల్‌గా ఇన్ స్టాలో లైవ్ పెట్టేశారు. ఆ సమయంలో అనేక మంది మీమ్ క్రియేటర్స్ నాగబాబుతో మాట్లాడారు. ఇప్పుడు నాగబాబు మీమర్స్ సాయంతో బస్తీ బాయ్స్‌ను మరింత ఫేమస్ చేయాలని చూస్తున్నారు. ఈ మేరకు ఓ కాంటెస్ట్ పెట్టేశారు. అందులో గెలిచిన వారికి ఐ ఫోన్ బహుమతిగా ఇస్తానని అన్నారు. మీమ్స్ అలెర్ట్.. మీమ్ వేస్కో .. ఐఫోన్ తీస్కో, బస్తీ బాయ్స్ అన్నీ ఎపిసోడ్స్ చూసి మీమ్స్ వేయండి.. హయ్యస్ట్ రీచ్ వచ్చిన మీమ్‌కి ఐఫోన్ ఇస్తాం.. ఈ కాంటెస్ట్ బస్తీ బాయ్స్ లాస్ట్ ఎపిసోడ్ వరకు ఉంటుంది..! మీమ్ డిస్క్రిప్షన్‌లో #basthiboysmemes అనే హ్యాష్ ట్యాగ్ ఇవ్వండని నాగబాబు చెప్పుకొచ్చారు.
Comments
Post a Comment